పేదలకు అండగా కాంగ్రెస్ ప్రభుత్వం: సురేఖ ప్రేమ్‌సాగర్ రావు
పేదలకు అండగా కాంగ్రెస్ ప్రభుత్వం: సురేఖ ప్రేమ్‌సాగర్ రావు
బాధితురాలి కుటుంబానికి రూ.2.50 లక్షల సీఎంఆర్‌ఎఫ్ చెక్కు అందజేత
మంచిర్యాల మే 19: పేద ప్రజలకు అండగా నిలిచి వారిని ఆదుకోవడమే కాంగ్రెస్ ప్రభుత్వ ప్రధాన ధ్యేయమని మంచిర్యాల మాజీ డీసీసీ అధ్యక్షురాలు సురేఖ ప్రేమ్‌సాగర్ రావు స్పష్టం చేశారు. మంచిర్యాల మున్సిపల్ కార్పొరేషన్ పరిధిలోని 41వ డివిజన్‌కు చెందిన రిహంషిత అనే బాలిక ఆరోగ్య ఖర్చుల నిమిత్తం ప్రభుత్వం నుండి రూ. 2,50,000 (రెండు లక్షల యాభై వేల రూపాయలు) ముఖ్యమంత్రి సహాయనిధి (CMRF) చెక్కు మంజూరైంది.
ఈ మేరకు మంగళవారం సురేఖ ప్రేమ్‌సాగర్ రావు తన నివాసంలో బాధితురాలి కుటుంబ సభ్యులకు ఈ చెక్కును స్వయంగా అందజేశారు.
ప్రభుత్వ పథకాలను సద్వినియోగం చేసుకోవాలి..
ఈ సందర్భంగా ఆమె మాట్లాడుతూ.. అనారోగ్యంతో బాధపడుతూ ఆర్థిక ఇబ్బందుల్లో ఉన్న పేద కుటుంబాలకు సీఎం సహాయనిధి ఒక వరమని కొనియాడారు. నిరుపేదలు, అర్హులైన ప్రతి ఒక్కరూ ప్రభుత్వం ప్రవేశపెడుతున్న సంక్షేమ పథకాలను సద్వినియోగం చేసుకోవాలని ఆమె కోరారు. కాంగ్రెస్ ప్రభుత్వం ఎల్లప్పుడూ ప్రజా సంక్షేమానికి కట్టుబడి ఉంటుందని, నియోజకవర్గ ప్రజలకు ఏ కష్టం వచ్చినా తాము ముందుండి ఆదుకుంటామని ఈ సందర్భంగా భరోసా ఇచ్చారు. ఈ కార్యక్రమంలో స్థానిక కాంగ్రెస్ నాయకులు, కార్యకర్తలు మరియు బాధితురాలి కుటుంబ సభ్యులు పాల్గొన్నారు
