పోలేపల్లి ఎల్లమ్మ మీద ఒట్టు.. 2028 డిసెంబర్ నాటికి కొడంగల్‌కు కృష్ణా జలాలు తెస్తా : రేవంత్ రెడ్డి

తెలంగాణ ముఖ్యమంత్రి రేవంత్ రెడ్డి కొడంగల్ నియోజకవర్గ అభివృద్ధి, సాగునీటి విషయంలో కీలక హామీ ఇచ్చారు. 2028 డిసెంబర్ నాటికి కృష్ణా జలాలను కొడంగల్ ప్రాంతానికి తీసుకొచ్చి అక్కడి భూములను తడిపిస్తానని స్పష్టం చేశారు. ఈ లక్ష్యాన్ని నెరవేరుస్తానంటూ పోలేపల్లి ఎల్లమ్మ తల్లి మీద ఒట్టు వేసి మాట ఇచ్చారు. కొడంగల్ ప్రాంతంలో సాగునీటి సమస్యకు శాశ్వత పరిష్కారం చూపించడమే లక్ష్యంగా ఈ హామీ ఇస్తున్నట్లు పేర్కొన్నారు. కృష్ణా జలాలు అందుబాటులోకి వస్తే ఎండిన భూములకు నీరందడంతో పాటు రైతులకు సాగుపై భరోసా కలుగుతుందని ఆశాభావం వ్యక్తమవుతోంది. అయితే ముఖ్యమంత్రి ప్రకటించిన గడువులోగా ఈ హామీ కార్యరూపం దాల్చుతుందా, సాగునీటి కల ఎప్పుడు సాకారమవుతుందా అన్నది వేచి చూడాలి.