వీఆర్ఎల దీక్షకు ఆర్డిఓ సంఘీభావం

కొత్తపేట : సమస్యల పరిష్కారం కోరుతూ గత పది రోజులుగా నిరాకరణ దీక్ష చేస్తున్న వీఆర్ఎలకు కొత్తపేట ఆర్డీవో జివివి సత్యనారాయణ, తహసిల్దార్ వై. రాంబాబు కార్యాలయ సిబ్బంది శనివారం సంఘీభావం తెలిపారు. కొత్తపేట, ఆత్రేయపురం, రావులపాలెం, ఆలమూరు, అయినవిల్లి మండలాలకు చెందిన విఆర్ఎలు అందరూ కలిసి ర్యాలి నిర్వహించారు. ఈ సందర్భంగా సంఘ అధ్యక్ష కార్యదర్శులు భీమశంకరం, పిల్లంగోలు బాలు మాట్లాడుతూ న్యాయమైన తమ డిమాండ్లను పరిష్కరించాలంటూ గత పది రోజులుగా ఆందోళన నిర్వహిస్తున్నప్పటికీ ప్రభుత్వం స్పందించకపోవడం పట్ల ఆవేదన వ్యక్తం చేశారు. వీఆర్ఎల పరిస్థితిని అర్థం చేసుకుని తమకు న్యాయం చేయాలని కోరారు. అనంతరం డిమాండ్లతో కూడిన వినతి పత్రాన్ని ఆర్డీవో సత్యనారాయణకు అందజేశారు.