రిపోర్టర్ పల్నాటి జగన్ దశదినకర్మలో పాల్గొన్న ప్రజాసంఘాల నాయకులు

జగన్ చిత్రపటానికి పూలమాల వేసి నివాళులర్పించిన కంబాలపల్లి భాస్కర్

ఇబ్రహీంపట్నం (ఎన్ టుడే న్యూస్), నవంబర్ 7: మంచాల మండలం నోముల గ్రామంలో రిపోర్టర్ కామ్రేడ్ పల్నాటి జగన్ దశదినకర్మ కార్యక్రమం నిర్వహించారు. ఈ కార్యక్రమంలో ఇబ్రహీంపట్నం నియోజకవర్గ ప్రజాసంఘాల నాయకుడు కంబాలపల్లి భాస్కర్ పాల్గొని జగన్ చిత్రపటానికి పూలమాల వేసి నివాళులర్పించారు.

ఈ సందర్భంగా ఇబ్రహీంపట్నం ఉపాధ్యక్షుడు పల్నాటి యాదయ్య, ఇబ్రహీంపట్నం జేఏసీ నాయకుడు కాళ్ల జంగయ్య, మంచాల మండల జేఏసీ ఉపాధ్యక్షుడు ఏర్పుల శ్రీను, చదివేల కుమార్, ముత్యాల రాజు తదితరులు కూడా నివాళులర్పించారు.

అనంతరం పల్నాటి జగన్ కుటుంబ సభ్యులను పరామర్శించి ప్రగాఢ సానుభూతి తెలిపారు. ఈ కష్ట సమయంలో కుటుంబ సభ్యులు ధైర్యంగా ఉండాలని కోరుకున్నారు. కార్యక్రమంలో గ్రామస్తులు, ఇతరులు పాల్గొన్నారు.