దుర్గం చెరువులో దూకి సాఫ్ట్‌వేర్‌ ఉద్యోగి మృతి

విశాఖకు చెందిన రాజేశ్‌ (25)గా గుర్తింపు

హైదరాబాద్‌ | ఎన్ టుడే న్యూస్‌:

హైదరాబాద్‌లోని దుర్గం చెరువులో దూకి ఓ సాఫ్ట్‌వేర్‌ ఉద్యోగి మృతి చెందినట్లు సమాచారం. మృతుడిని విశాఖపట్నానికి చెందిన రాజేశ్‌ (25)గా గుర్తించారు.

రాజేశ్‌ నాచారంలోని ఓ హాస్టల్‌లో ఉంటున్నట్లు తెలుస్తోంది. సోమవారం మాదాపూర్‌ అయ్యప్ప సొసైటీలో నివసిస్తున్న తన మిత్రుల వద్దకు వచ్చినట్లు సమాచారం. అనంతరం దుర్గం చెరువులో దూకి మృతి చెందినట్లు తెలుస్తోంది.

ఘటనకు గల కారణాలు తెలియాల్సి ఉంది. పూర్తి వివరాలు అధికారికంగా వెల్లడికావాల్సి ఉంది.