సంస్థాన్ నారాయణపురంలో ఈ నెల 28న ఉచిత కంటి వైద్య రివ్యూ శిబిరం
కోమటిరెడ్డి సుశీలమ్మ ఫౌండేషన్ ఆధ్వర్యంలో నిర్వహణ
ఉదయం 9 గంటల నుంచి వైద్య పరీక్షలు
గతంలో ఆపరేషన్లు చేయించుకున్నవారికి రివ్యూ పరీక్షలు
షుగర్‌, బీపీ కారణంగా ఆపరేషన్ వాయిదా పడినవారికీ అవకాశం
సంస్థాన్ నారాయణపురం, యాదాద్రి జిల్లా | ఎన్ టుడే న్యూస్‌:
కోమటిరెడ్డి సుశీలమ్మ ఫౌండేషన్ ఆధ్వర్యంలో ఈ నెల 28న బుధవారం సంస్థాన్ నారాయణపురం మండల కేంద్రంలోని ప్రభుత్వ ఉన్నత పాఠశాలలో ఉచిత కంటి వైద్య రివ్యూ శిబిరం నిర్వహించనున్నారు.
సెప్టెంబర్ 27న నిర్వహించిన ఉచిత కంటి వైద్య శిబిరంలో శస్త్రచికిత్సలకు ఎంపికై ఆపరేషన్లు చేయించుకున్న వారికి ఈ శిబిరంలో వైద్యులు తిరిగి పరీక్షలు నిర్వహించనున్నారు. అలాగే షుగర్‌, బీపీ కారణంగా గతంలో ఆపరేషన్ చేయించుకోలేకపోయినవారితో పాటు కొత్తగా కంటి సమస్యలతో బాధపడుతున్నవారికి కూడా వైద్య పరీక్షలు అందించనున్నారు.
ఈ శిబిరం బుధవారం ఉదయం 9 గంటల నుంచి ప్రారంభమవుతుందని సర్పంచ్ ఉప్పల విజయలక్ష్మి లింగస్వామి తెలిపారు. మండల ప్రజలు ఈ అవకాశాన్ని సద్వినియోగం చేసుకుని కంటి పరీక్షలు చేయించుకోవాలని ఆమె కోరారు.
