టమాటా సాగుకు ఐటీసీ భారీ ప్రణాళికలు: చంద్రబాబు

కుప్పం | NTODAY NEWS

ఆంధ్రప్రదేశ్‌లో టమాటా సాగును ప్రోత్సహించి అంతర్జాతీయ మార్కెట్‌కు ఎగుమతులు పెంచే లక్ష్యంతో ఐటీసీ (ITC) సంస్థ భారీ ప్రణాళికతో ముందుకు వచ్చిందని ముఖ్యమంత్రి నారా చంద్రబాబు నాయుడు తెలిపారు.

ఈ ప్రాజెక్టు కోసం రూ.8 కోట్ల వ్యయంతో మౌలిక సదుపాయాలను ఏర్పాటు చేస్తున్నట్లు సీఎం వెల్లడించారు. ఈ అవకాశాన్ని రైతులు సద్వినియోగం చేసుకుని, ముఖ్యంగా ఆదర్శ రైతులు ఉత్సాహంగా ముందుకు రావాలని పిలుపునిచ్చారు.

అలాగే కుప్పం ప్రాంతంలో పౌల్ట్రీ, డెయిరీ, ఫుడ్ ప్రాసెసింగ్ రంగాల్లో పెట్టుబడులు పెట్టేందుకు ఏబీఐఎస్ (ABIS), మదర్ డెయిరీ (Mother Dairy), ఐటీసీ (ITC) వంటి ప్రముఖ సంస్థలు ఆసక్తి చూపుతున్నాయని తెలిపారు.

ఈ పెట్టుబడుల ద్వారా రైతులకు మెరుగైన మార్కెట్ అవకాశాలు, ఉపాధి కల్పనతో పాటు కుప్పం ప్రాంత ఆర్థికాభివృద్ధికి కొత్త ఊపు లభిస్తుందని సీఎం పేర్కొన్నారు.