తిరువూరులో రోడ్డుపైనే వాహనాల పార్కింగ్.. అధ్వానంగా మారిన ట్రాఫిక్ పరిస్థితి
తిరువూరు: పట్టణంలోని ఆల్ఫా కేఫ్ వద్ద సరైన పార్కింగ్ సౌకర్యం లేకపోవడంతో వాహనాలను ప్రధాన రహదారిపైనే నిలిపివేస్తుండటంతో ట్రాఫిక్ సమస్య తీవ్రంగా మారుతోంది. ముఖ్యంగా సాయంత్రం వేళల్లో వాహనాల రద్దీ పెరగడంతో రహదారిపై రాకపోకలకు తీవ్ర అంతరాయం ఏర్పడుతోంది.
రోడ్డుపై అడ్డగోలుగా వాహనాలు నిలిపివేయడంతో ఇతర వాహనదారులకు రహదారి స్పష్టంగా కనిపించకపోవడంతో ప్రమాదాలు జరిగే అవకాశం ఉందని స్థానికులు ఆందోళన వ్యక్తం చేస్తున్నారు. పాదచారులు సైతం ఇబ్బందులు ఎదుర్కొంటున్నారు.
సంబంధిత మున్సిపల్ అధికారులు, ట్రాఫిక్ పోలీసులు తక్షణమే స్పందించి ప్రధాన రహదారులపై వాహనాలను ఇష్టారాజ్యంగా నిలిపే వారిపై చర్యలు తీసుకోవాలని స్థానికులు కోరుతున్నారు. కేఫ్ నిర్వాహకులు, వాహనదారులకు పార్కింగ్ నిబంధనలపై అవగాహన కల్పించడంతో పాటు, ప్రత్యేక పార్కింగ్ స్థలం ఏర్పాటు చేసుకునేలా చర్యలు తీసుకోవాలని విజ్ఞప్తి చేస్తున్నారు.
