తమిళనాడు సీఎం విజయ్‌తో ఫోన్‌లో మాట్లాడిన చిరంజీవి

తమిళనాడు ముఖ్యమంత్రిగా బాధ్యతలు స్వీకరించిన నటుడు విజయ్‌కు టాలీవుడ్ నటుడు చిరంజీవి ఫోన్ చేసి శుభాకాంక్షలు తెలిపారు. ప్రజా సంక్షేమం, ప్రజా కేంద్రీకృత పాలనతో తమిళనాడు ప్రజల మనసుల్లో చిరస్థాయిగా నిలిచిపోవాలని ఆకాంక్షించారు.

అలాగే తమిళ ప్రజల ప్రేమాభిమానాలు దక్కించుకున్న మాజీ ముఖ్యమంత్రి ఎంజీఆర్ తరహాలో విజయ్ ప్రజాదరణ పొందాలని చిరంజీవి పేర్కొన్నారు. రాజకీయాల్లో విజయవంతంగా ముందుకు సాగాలని ఆకాంక్షిస్తూ తన పూర్తి మద్దతు ఉంటుందని తెలిపారు.

చిరంజీవి శుభాకాంక్షలకు సీఎం విజయ్ ధన్యవాదాలు తెలిపారు. సినీ రంగం నుంచి రాజకీయాల్లోకి వచ్చిన తన ప్రయాణానికి చిరంజీవి వంటి సీనియర్ నటుడి ఆశీస్సులు ఎంతో ప్రేరణనిస్తాయని విజయ్ పేర్కొన్నట్లు సమాచారం.