KUDA కార్యాలయంలో మట్టి గణేశ్‌ విగ్రహాల పంపిణీ
పర్యావరణ పరిరక్షణకు మట్టి విగ్రహాల వినియోగమే మేలు
హనుమకొండ | Ntoday News
తెలంగాణ కాలుష్య నియంత్రణ మండలి (TGPCB) ఆధ్వర్యంలో కుడా కార్యాలయంలో మట్టి గణేశ్‌ విగ్రహాల పంపిణీ కార్యక్రమం నిర్వహించారు. పర్యావరణ పరిరక్షణలో భాగంగా అధికారులు, సిబ్బందికి మట్టి వినాయక ప్రతిమలను పంపిణీ చేశారు.
ఈ కార్యక్రమంలో హనుమకొండ జిల్లా కలెక్టర్‌, కాకతీయ అర్బన్‌ డెవలప్‌మెంట్‌ అథారిటీ (KUDA) వైస్‌ చైర్‌పర్సన్‌ చాహత్‌ బాజ్‌పాయ్‌తో కలిసి సంబంధిత అధికారులు పాల్గొన్నారు. ఈ సందర్భంగా అధికారులు, సిబ్బందికి మట్టి గణేశ్‌ విగ్రహాలను అందజేశారు.
పర్యావరణహిత వినాయక విగ్రహాలను ప్రోత్సహించడం ద్వారా కాలుష్యాన్ని తగ్గించడంతో పాటు పర్యావరణ పరిరక్షణకు ప్రతి ఒక్కరూ తమ వంతు సహకారం అందించాలని కార్యక్రమంలో సూచించారు. మట్టి విగ్రహాల వినియోగంపై ప్రజల్లో అవగాహన పెంచాల్సిన అవసరం ఉందని అధికారులు పేర్కొన్నారు.
కార్యక్రమంలో TGPCB, కుడా అధికారులు, సిబ్బంది పాల్గొన్నారు.
