నవంబర్‌ 15న ఏపీలో NMMS పరీక్ష
సెప్టెంబర్‌ 11 నుంచి ఆన్‌లైన్‌ దరఖాస్తులు.. అక్టోబర్‌ 12 వరకు అవకాశం
అమరావతి | Ntoday News
ఆంధ్రప్రదేశ్‌లో 2026–27 విద్యా సంవత్సరానికి నేషనల్‌ మీన్స్‌-కమ్‌-మెరిట్‌ స్కాలర్‌షిప్‌ (NMMS) పరీక్షను నవంబర్‌ 15న నిర్వహించనున్నారు. పరీక్ష ఉదయం 10 గంటల నుంచి మధ్యాహ్నం 1 గంట వరకు కొనసాగుతుంది.
ప్రభుత్వ, జెడ్పీ, మునిసిపల్‌, ఎయిడెడ్‌, ఏపీ మోడల్‌, MPUP పాఠశాలల్లో 8వ తరగతి చదువుతున్న విద్యార్థులు ఈ పరీక్షకు అర్హులు. 7వ తరగతిలో OC/BC విద్యార్థులు కనీసం 55 శాతం, SC/ST విద్యార్థులు 50 శాతం మార్కులు సాధించి ఉండాలి. అలాగే తల్లిదండ్రుల వార్షిక ఆదాయం రూ.3.50 లక్షలకు మించకూడదు.
NMMS పరీక్షకు OC/BC విద్యార్థులకు రూ.100, SC/ST విద్యార్థులకు రూ.50 పరీక్ష రుసుముగా నిర్ణయించారు.
అర్హులైన విద్యార్థులు సెప్టెంబర్‌ 11 నుంచి అక్టోబర్‌ 12 వరకు ఆన్‌లైన్‌లో దరఖాస్తులు సమర్పించుకోవచ్చు. దరఖాస్తులను ఆంధ్రప్రదేశ్ ప్రభుత్వ పరీక్షల విభాగం అధికారిక వెబ్‌సైట్‌ ద్వారా సమర్పించాల్సి ఉంటుంది. (bse.ap.gov.in)
విద్యార్థులు దరఖాస్తు ప్రక్రియను గడువులోగా పూర్తి చేసుకోవాలని అధికారులు సూచించారు. NMMSకు సంబంధించిన తాజా నోటిఫికేషన్‌, మార్గదర్శకాలు, పరీక్ష వివరాలను అధికారిక వెబ్‌సైట్‌లో పరిశీలించుకోవచ్చు.
