కొండా సురేఖ మాజీ OSD సుమంత్ తండ్రి ఆత్మహత్యాయత్నం
40 నిద్రమాత్రలు మింగినట్లు సమాచారం.. వరంగల్‌లోని ఆసుపత్రిలో చికిత్స
వరంగల్ | Ntoday News
మాజీ మంత్రి కొండా సురేఖ మాజీ OSD సుమంత్ తండ్రి సుబ్రహ్మణ్యం ఆత్మహత్యాయత్నానికి పాల్పడినట్లు సమాచారం. ఆయన 40 నిద్రమాత్రలు మింగినట్లు కుటుంబ సభ్యులు గుర్తించారు.
శుక్రవారం ఉదయం సుబ్రహ్మణ్యం నిద్రలేవకపోవడంతో కుటుంబ సభ్యులు గమనించి వెంటనే వరంగల్‌లోని మెడికవర్ ఆసుపత్రికి తరలించారు. ప్రస్తుతం ఆయన పరిస్థితి విషమంగా ఉండటంతో వెంటిలేటర్‌పై చికిత్స అందిస్తున్నట్లు వైద్యులు వెల్లడించినట్లు సమాచారం.
సుమంత్‌కు సంబంధించిన పరిణామాల నేపథ్యంలోనే ఈ ఘటన చోటుచేసుకుందా? అనే అంశంపై చర్చ జరుగుతోంది. అయితే ఆత్మహత్యాయత్నానికి గల కారణాలు అధికారికంగా వెల్లడికాలేదు.
కాగా, సుమంత్‌పై నమోదైన కేసులో ఆయన సెప్టెంబర్ 10న జూబ్లీహిల్స్ పోలీసుల ఎదుట హాజరైనట్లు తాజా వార్తలు వెల్లడించాయి.
సుబ్రహ్మణ్యం ఆత్మహత్యాయత్నానికి కారణం, ఆరోగ్య పరిస్థితిపై పోలీసులు లేదా ఆసుపత్రి నుంచి అధికారిక ప్రకటన వెలువడాల్సి ఉంది.
