ఏకగ్రీవంగా చిట్యాల మున్సిపాలిటీ కో-ఆప్షన్ సభ్యుల ఎన్నిక.

NTODAY NEWS  నల్గొండ జిల్లా చిట్యాల మున్సిపాలిటీ కో-ఆప్షన్ సభ్యుల ఎన్నిక ప్రక్రియ సోమవారం ప్రశాంతంగా ముగిసింది. మున్సిపల్ కార్యాలయంలో  ఉదయం 10:30 గంటలకు  కౌన్సిల్ సభ్యుల సమక్షంలో ఈ ఎన్నికల సమావేశాన్ని నిర్వహించారు. ​ఈ సమావేశంలో నలుగురు కో-ఆప్షన్ సభ్యులను ఏకగ్రీవంగా ఎన్నుకున్నట్లు మున్సిపల్ కమిషనర్ గురు లింగం ఒక ప్రకటనలో తెలిపారు. ఏకగ్రీవంగా ఎన్నికైన వారిలో పౌతి అరుణాదేవి , బిల్ల సత్తయ్య ,  షేక్ షహాజాది ,  సయ్యద్ ఇమ్రాన్ ఎన్నికయ్యారు.  ​మున్సిపల్ రూల్స్ ప్రకారం కౌన్సిల్ సభ్యులందరి సమక్షంలో వీరి ఎన్నికను ఏకగ్రీవంగా ఖరారు చేసినట్లు అధికారులు వెల్లడించారు. నూతనంగా ఎన్నికైన కో-ఆప్షన్ సభ్యులకు పలువురు కౌన్సిలర్లు, మున్సిపల్ సిబ్బంది అభినందనలు తెలిపారు.