​అమరజీవి టి.పాల్: నేత్ర దానంతో ఇద్దరికి కంటి చూపు

మంచిర్యాల: పట్టణంలో జరిగిన రోడ్డు ప్రమాదంలో మరణించిన 45 ఏళ్ల టి. పాల్ కుటుంబ సభ్యులు సామాజిక బాధ్యతను చాటుకుంటూ ఆయన కళ్ళను దానం చేసి ఇద్దరు వ్యక్తుల జీవితాల్లో వెలుగులు నింపారు. లయన్స్ క్లబ్ మంచిర్యాల సీనియర్ సభ్యులు లయన్ వి. మధుసూదన్ రెడ్డి మరియు ప్రభుత్వ ఆసుపత్రి ఆప్తమాలజీ విభాగం టెక్నికల్ పర్సన్ శంకర్ సమన్వయంతో, మృతుని కుమారుడు టి. మనోజ్ అంగీకారంతో ఈ ప్రక్రియ నిర్వహించబడింది. ఎల్వీ ప్రసాద్ ఐ ఇన్‌స్టిట్యూట్ కార్నియా రికవరీ స్పెషలిస్ట్ డాక్టర్ ప్రదీప్ సేకరించిన కళ్ళను హైదరాబాద్‌కు తరలించగా, మరణించిన 6 గంటల లోపు కంటిదానం చేయడం వల్ల ఇతరులకు చూపు లభిస్తుందని, ప్రజలంతా ఈ సేవా స్ఫూర్తితో ముందుకు రావాలని మధుసూదన్ రెడ్డి పిలుపునిచ్చారు. ఈ కార్యక్రమంలో లయన్స్ క్లబ్ ప్రతినిధులు లయన్ కారుకూరి చంద్రమౌళి, డాక్టర్ కె. సుగుణాకర్ రెడ్డి, లయన్ కె. భాస్కర్ రెడ్డి తదితరులు పాల్గొని పాల్ కుటుంబ సభ్యుల నిర్ణయాన్ని అభినందించారు