తెలంగాణలో అమిత్ షా పర్యటన.. బీజేపీ నేతలతో భేటీకి అవకాశం
హైదరాబాద్: కేంద్ర హోంమంత్రి అమిత్ షా అక్టోబర్ 4న తెలంగాణలో పర్యటించనున్నారు. ఈ సందర్భంగా రాష్ట్ర బీజేపీ కీలక నేతలతో ఆయన సమావేశమయ్యే అవకాశం ఉన్నట్లు పార్టీ వర్గాలు తెలిపాయి.
రాష్ట్రంలో పార్టీ సంస్థాగత అంశాలు, తాజా రాజకీయ పరిణామాలతో పాటు రాబోయే ఎన్నికలకు సంబంధించిన అంశాలు చర్చకు వచ్చే అవకాశం ఉందని సమాచారం. అయితే ఈ భేటీకి సంబంధించిన పూర్తి అధికారిక వివరాలు వెల్లడికావాల్సి ఉంది.
అమిత్ షా అక్టోబర్ 3న రాత్రి హైదరాబాద్‌కు చేరుకోనున్నారు. అక్టోబర్ 4న మెదక్ జిల్లా తూప్రాన్‌లో డెయిరీ ప్లాంట్‌కు సంబంధించిన కార్యక్రమంలో పాల్గొని, అనంతరం కరీంనగర్‌లోని ప్రతిమ ఇన్‌స్టిట్యూట్ ఆఫ్ మెడికల్ సైన్సెస్ రజతోత్సవ వేడుకలకు హాజరుకానున్నారు.
కరీంనగర్‌లో ప్రతిమ డీమ్డ్ యూనివర్సిటీ భవన నిర్మాణానికి శంకుస్థాపన, సిల్వర్ జూబ్లీ పైలాన్ ఆవిష్కరణ, ఫొటో ఎగ్జిబిషన్ తదితర కార్యక్రమాల్లో పాల్గొననున్నట్లు సమాచారం.
