భూసేకరణ అడ్డంకులను త్వరగా పరిష్కరించాలి

భూసేకరణ అడ్డంకులను త్వరగా పరిష్కరించాలి: మంచిర్యాల జిల్లా కలెక్టర్ కుమార్ దీపక్

మంచిర్యాల జిల్లాలో జాతీయ రహదారుల (NH 63 మరియు 163G) విస్తరణలో భాగంగా చేపట్టిన భూసేకరణ ప్రక్రియను మరింత వేగవంతం చేయాలని జిల్లా కలెక్టర్ కుమార్ దీపక్ అధికారులను ఆదేశించారు. అదనపు కలెక్టర్ శ్రీనివాస్ రావుతో కలిసి భూసేకరణ కార్యాలయాన్ని సందర్శించిన ఆయన, పెండింగ్‌లో ఉన్న దరఖాస్తులను క్షుణ్ణంగా పరిశీలించి, భూసేకరణకు సంబంధించి ఎదురవుతున్న అడ్డంకులను త్వరగా పరిష్కరించాలని స్పష్టం చేశారు. రహదారుల అభివృద్ధి పనులకు ఎటువంటి ఆటంకం కలగకుండా దరఖాస్తుల పరిష్కార చర్యలను ముమ్మరం చేయాలని ఈ సందర్భంగా ఆయన అధికారులకు దిశానిర్దేశం చేశారు.