పెద్దతండలో అంగన్‌వాడీ కేంద్రాన్ని సందర్శించిన బీజేపీ నాయకులు
నార్సింగి: సేవా సంపర్క్ అభియాన్‌లో భాగంగా నార్సింగి మండలం పెద్దతండలోని అంగన్‌వాడీ కేంద్రాన్ని శుక్రవారం బీజేపీ మండల శాఖ ఆధ్వర్యంలో నాయకులు సందర్శించారు.
ఈ సందర్భంగా చిన్నారులు, గర్భిణులు, బాలింతలకు పోషకాహార లోపం లేకుండా ప్రభుత్వం ద్వారా వివిధ రకాల ఆహారాన్ని అందిస్తున్న విషయాన్ని స్థానికులకు వివరించారు. కేంద్రంలో అందుతున్న పోషకాహారం, ఇతర సేవలపై వివరాలు తెలుసుకున్నారు.
చిన్నారులు, గర్భిణుల ఆరోగ్యంపై దృష్టి సారిస్తూ పోషకాహారం అందిస్తున్నందుకు మహిళలు ప్రధాని నరేంద్ర మోదీకి ధన్యవాదాలు తెలిపారు.
కార్యక్రమంలో బీజేపీ మండల అధ్యక్షుడు శిర్న చంద్రశేఖర్, శక్తి కేంద్ర ఇన్‌చార్జి దాయం నరేష్, పెద్దతండ బూత్ అధ్యక్షుడు నరేష్ నాయక్, కిసాన్ మోర్చా జిల్లా ఉపాధ్యక్షుడు యెన్నం లింగారెడ్డి, నార్సింగి పట్టణ అధ్యక్షుడు మైలారం నరసింహులు, మెదక్ జిల్లా ఓబీసీ మోర్చా కార్యవర్గ సభ్యుడు పున్న రమేష్, మండల కోశాధికారి గురుపాదం, సీనియర్ నాయకుడు మన్నె యాదగిరి, వార్డు సభ్యుడు నితిన్ నాయక్ తదితరులు పాల్గొన్నారు.
