బ్యాంకుల సమ్మె నేపథ్యంలో కేంద్రం కీలక నిర్ణయం...

బ్యాంకుల సమ్మె నేపథ్యంలో కేంద్రం కీలక నిర్ణయం.. రేపే జీతాలు, పెన్షన్లు

ఈ నెల 28 నుంచి 30 వరకు బ్యాంకుల సమ్మె జరగనున్న నేపథ్యంలో కేంద్ర ప్రభుత్వం కీలక నిర్ణయం తీసుకుంది. కేంద్ర ప్రభుత్వ ఉద్యోగులు, పెన్షనర్లకు సెప్టెంబర్ నెల జీతాలు, పెన్షన్‌ను ముందుగానే జమ చేసేందుకు అనుమతించింది.

సెప్టెంబర్ 25న ఉద్యోగులు, పెన్షనర్ల బ్యాంకు ఖాతాల్లో జీతాలు, పెన్షన్ మొత్తాలను జమ చేయనున్నారు. ఈ నిర్ణయం రక్షణ, పోస్టల్, టెలికమ్యూనికేషన్స్ విభాగాల ఉద్యోగులకు కూడా వర్తించనుంది.

బ్యాంకుల సమ్మె కారణంగా చెల్లింపుల్లో అంతరాయం ఏర్పడకుండా ముందస్తుగా ఈ చర్యలు తీసుకున్నట్లు కేంద్రం తెలిపింది. సెప్టెంబర్ నెలకు సంబంధించిన ఈ ముందస్తు చెల్లింపును ‘అడ్వాన్స్ పేమెంట్’గా పరిగణించనున్నారు. అనంతరం లెక్కలు పూర్తిగా ఖరారైన తర్వాత అక్టోబర్ నెల చెల్లింపుల్లో అవసరమైన మొత్తాన్ని సర్దుబాటు చేయనున్నారు.