చాట్రాయి మండలంలో పెట్రోల్ డీజిల్ పై పోలీస్ వారి హెచ్చరిక

చాట్రాయి మండలంలో పెట్రోల్ డీజిల్ పై పోలీస్ వారి హెచ్చరిక 

జిల్లా ఎస్పీ కె. ప్రతాప్ శివ కిషోర్ ఆదేశాల మేరకు చాట్రాయి పోలీస్ స్టేషన్ సబ్ ఇన్‌స్పెక్టర్ డి. రామకృష్ణ హెచ్చరిక జారీ చేశారు.

చాట్రాయి మండలంలో పెట్రోల్, డీజిల్‌ను బ్లాక్ మార్కెట్‌లో అధిక ధరలకు విక్రయిస్తే కఠిన చట్టపరమైన చర్యలు తీసుకుంటామని తెలిపారు.

ఇళ్ల వద్ద లేదా షాపుల వద్ద పెట్రోల్, డీజిల్‌ను అక్రమంగా నిల్వ ఉంచడం వల్ల ప్రమాదాలు సంభవించే అవకాశం ఉన్నందున ఎవరూ స్టాక్ పెట్టవద్దని సూచించారు.

పెట్రోల్ బంక్‌ల వద్ద అత్యవసర సేవలకు (హాస్పిటల్, అంబులెన్స్, ఫైర్) మాత్రమే డబ్బాలలో ఇంధనం ఇవ్వాలని, ఇతరులకు ఇవ్వరాదని స్పష్టం చేశారు.

సోషల్ మీడియాలో పెట్రోల్, డీజిల్‌పై ప్రజలను భయాందోళనలకు గురిచేసే పోస్టులు పెడితే చట్టపరమైన చర్యలు తీసుకుంటామని హెచ్చరించారు.

అధిక ధరలకు అమ్మకం లేదా అక్రమ నిల్వలపై సమాచారం ఉన్నవారు వెంటనే 112కి కాల్ చేసి పోలీసులకు తెలియజేయాలని కోరారు.