చాట్రాయిలో ఆర్యవైశ్య ప్రముఖులు గోళ్ల బాబురావు మృతి

చాట్రాయి, ఆగస్టు 29: ఏలూరు జిల్లా నూజివీడు నియోజకవర్గం చాట్రాయి మండల కేంద్రానికి చెందిన ఆర్యవైశ్య ప్రముఖులు గోళ్ల బాబురావు (78) గురువారం రాత్రి కన్నుమూశారు. మండలంలో సౌమ్యుడిగా, వివాదాలకు దూరంగా ఉండే వ్యక్తిగా గుర్తింపు పొందిన బాబురావు మృతి పట్ల పలువురు తీవ్ర దిగ్భ్రాంతి వ్యక్తం చేశారు.

బాబురావు మృతదేహానికి తెలుగుదేశం పార్టీ, వైఎస్సార్ కాంగ్రెస్ పార్టీ, జనసేన, భారతీయ జనతా పార్టీ నాయకులు, పలువురు ప్రముఖులు నివాళులర్పించారు. ఈ సందర్భంగా నాయకులు మాట్లాడుతూ బాబురావు ఎప్పుడూ అందరితో స్నేహపూర్వకంగా మెలిగేవారని, ఆయన సేవాభావం, మంచితనం చిరస్మరణీయమని పేర్కొన్నారు.

ఆయన మృతి చాట్రాయి మండలానికి తీరని లోటని పలువురు ఆవేదన వ్యక్తం చేశారు. బాబురావు మృతితో కుటుంబ సభ్యులు, బంధుమిత్రుల్లో విషాదఛాయలు అలుముకున్నాయి.