ఒంగోలులో ఘనంగా చెవిరెడ్డి భాస్కర్ రెడ్డి 54వ జన్మదిన వేడుకలు

కేక్ కట్ చేసి శుభాకాంక్షలు తెలిపిన దర్శి ఎమ్మెల్యే డాక్టర్ బూచేపల్లి శివప్రసాద్ రెడ్డి, వైఎస్సార్‌సీపీ నాయకులు

ఒంగోలు, నవంబర్ 9 (ఎన్ టుడే న్యూస్):

వైఎస్సార్ కాంగ్రెస్ పార్టీ ఒంగోలు పార్లమెంట్ ఇన్‌చార్జ్, మాజీ శాసనసభ్యుడు చెవిరెడ్డి భాస్కర్ రెడ్డి 54వ జన్మదిన వేడుకలను ఒంగోలులో ఘనంగా నిర్వహించారు. ప్రకాశం జిల్లా వైఎస్సార్‌సీపీ అధ్యక్షుడు, దర్శి ఎమ్మెల్యే డాక్టర్ బూచేపల్లి శివప్రసాద్ రెడ్డి ఆధ్వర్యంలో ఒంగోలులోని పార్టీ కార్యాలయంలో ఈ వేడుకలు జరిగాయి.

ఈ సందర్భంగా డాక్టర్ బూచేపల్లి శివప్రసాద్ రెడ్డి కేక్ కట్ చేసి చెవిరెడ్డి భాస్కర్ రెడ్డికి జన్మదిన శుభాకాంక్షలు తెలియజేశారు. కార్యక్రమంలో ఒంగోలు పార్లమెంట్ పరిశీలకుడు బత్తుల బ్రహ్మానంద రెడ్డి, ఒంగోలు నియోజకవర్గ ఇన్‌చార్జ్ చుండూరు రవి, ఒంగోలు నియోజకవర్గ పరిశీలకుడు వై. వెంకటేశ్వరరావు పాల్గొన్నారు.

ఈ సందర్భంగా నాయకులు చెవిరెడ్డి భాస్కర్ రెడ్డికి జన్మదిన శుభాకాంక్షలు తెలియజేస్తూ, ఆయురారోగ్యాలు, సుఖసంతోషాలు కలగాలని ఆకాంక్షించారు. పార్టీ కార్యాలయంలో జరిగిన ఈ కార్యక్రమంలో వైఎస్సార్‌సీపీ నాయకులు పాల్గొన్నారు.