ప్రజలతో నేరుగా మమేకం.. సమస్యలను తెలుసుకుని పరిష్కార మార్గాలపై చర్చిస్తున్న టీడీపీ ఇంచార్జ్ మధుసూదన్ నాయుడు
అన్నమయ్య జిల్లా పుంగనూరు నియోజకవర్గ టీడీపీ ఇంచార్జ్ వై. మధుసూదన్ నాయుడు ఆధ్వర్యంలో ప్రతి శుక్రవారం ప్రజా దర్బార్ నిర్వహిస్తున్నారు. ఈ కార్యక్రమానికి నియోజకవర్గంలోని వివిధ ప్రాంతాల నుంచి ప్రజలు హాజరై తమ సమస్యలను నేరుగా ఆయన దృష్టికి తీసుకువస్తున్నారు.
ప్రజలు తెలిపే సమస్యలను సావధానంగా వింటూ, వాటి పూర్తి వివరాలను తెలుసుకున్న అనంతరం సంబంధిత శాఖల అధికారులు, సిబ్బందితో మాట్లాడి పరిష్కార మార్గాలను అన్వేషిస్తున్నారు. ముఖ్యంగా రోడ్లు, తాగునీరు, పారిశుద్ధ్యం, విద్యుత్, ఇళ్ల స్థలాలు, పింఛన్లు, ప్రభుత్వ పథకాలు, వ్యక్తిగత సమస్యలు తదితర అంశాలపై ప్రజలు వినతులు అందిస్తున్నారు.
ప్రజల సమస్యలను కేవలం వినడంతోనే సరిపెట్టకుండా, సాధ్యమైనంత త్వరగా పరిష్కారం లభించేలా సంబంధిత అధికారులతో సమన్వయం చేసుకోవాలని మధుసూదన్ నాయుడు సూచిస్తున్నారు. ప్రజలు తమ సమస్యలను నేరుగా తెలియజేసేందుకు ప్రజా దర్బార్ ఒక వేదికగా ఉపయోగపడుతోందని ఆయన పేర్కొంటున్నారు.
ప్రజలకు అందుబాటులో ఉండటం, వారి సమస్యలను తెలుసుకోవడం, వాటి పరిష్కారానికి కృషి చేయడమే ప్రజా దర్బార్ ప్రధాన ఉద్దేశ్యమని తెలిపారు. ప్రతి శుక్రవారం నిర్వహిస్తున్న ఈ కార్యక్రమానికి ప్రజల నుంచి స్పందన లభిస్తోందని నిర్వాహకులు పేర్కొన్నారు.
