కేదారి–పుష్పలత కుటుంబానికి రూ.10 లక్షల ఆర్థిక సాయం

వరంగల్: గత నెల 9న మృతి చెందిన హోటల్ యజమాని లింగాల కేదారి–పుష్పలత దంపతుల కుటుంబానికి ప్రభుత్వం మంజూరు చేసిన రూ.10 లక్షల ఆర్థిక సహాయాన్ని ఎమ్మెల్యేలు నాయిని రాజేందర్ రెడ్డి, కేఆర్ నాగరాజు అందజేశారు.

ఈ సందర్భంగా ఎమ్మెల్యేలు మాట్లాడుతూ.. ఉద్యమ సమయంలో కేదారి అందించిన సేవలు చిరస్మరణీయమని పేర్కొన్నారు. ఆయన కుటుంబానికి ప్రభుత్వం అండగా నిలిచి ఆర్థిక సహాయం అందించిందని తెలిపారు.

కార్యక్రమంలో పృథ్వీరాజ్, ఆకాశ్ రాజ్, తహసీల్దార్ (MRO) గుజ్జుల రవీందర్ రెడ్డి తదితరులు పాల్గొన్నారు.