ఉరుమడ్లలో విద్యార్థులకు ఉచిత యూనిఫామ్స్ పంపిణీ

చిట్యాల: నల్గొండ జిల్లా చిట్యాల మండలం ఉరుమడ్ల గ్రామంలోని ప్రభుత్వ ప్రాథమిక పాఠశాలలో విద్యార్థులకు ఉచితంగా స్కూల్ యూనిఫామ్స్ (రెండో జత) పంపిణీ చేశారు. గ్రామ సర్పంచ్ సాగర్ల భానుశ్రీ భిక్షం విద్యార్థులకు యూనిఫామ్స్ అందజేశారు.

ఈ సందర్భంగా ఆమె మాట్లాడుతూ.. తెలంగాణ ప్రభుత్వం ప్రభుత్వ పాఠశాలలను బలోపేతం చేయడమే లక్ష్యంగా విద్యార్థులకు అవసరమైన వసతులను ఉచితంగా అందిస్తోందన్నారు. ప్రభుత్వం కల్పిస్తున్న సౌకర్యాలను విద్యార్థులు సద్వినియోగం చేసుకుని విద్యలో రాణించాలని సూచించారు. భవిష్యత్తులో ఉన్నత స్థాయికి చేరుకుని పాఠశాలకు మంచి పేరు తీసుకురావాలని ఆకాంక్షించారు.

కార్యక్రమంలో పాఠశాల ప్రధానోపాధ్యాయుడు ఆర్. వెంకన్న, అమ్మ ఆదర్శ పాఠశాల చైర్మన్ పట్ల మౌనిక జనార్దన్, ఉపాధ్యాయులు బి. యాదయ్య, శిరీష, పుష్పలత, భవాని, వివీకే అనూరాధతో పాటు విద్యార్థులు పాల్గొన్నారు.