మామునూర్ ఎయిర్‌పోర్టు నిర్మాణానికి మరోసారి జాప్యం
తెలంగాణ
/
హన్మకొండ
Seetha Kiran Kumar
Hanmakonda Mandal
వరంగల్: మామునూర్ ఎయిర్‌పోర్టు నిర్మాణానికి మరోసారి జాప్యం తప్పేలా కనిపిస్తోంది. రికార్డు సమయంలో భూసేకరణ ప్రక్రియను పూర్తి చేసి ఎయిర్‌పోర్ట్స్ అథారిటీ ఆఫ్ ఇండియా (AAI)కి భూమిని అప్పగించినప్పటికీ, అవసరమైన అనుమతుల ప్రక్రియలో ఆలస్యం జరుగుతున్నట్లు సమాచారం.
ప్రధానంగా పర్యావరణ అనుమతి (Environmental Clearance-EC) రావాల్సి ఉంది. గతంలో దరఖాస్తు చేసిన కన్సల్టెన్సీ దరఖాస్తు తిరస్కరణకు గురైనట్లు తెలుస్తోంది. దీంతో జనవరిలో మరోసారి దరఖాస్తు చేసేందుకు అధికారులు చర్యలు చేపడుతున్నట్లు సమాచారం.
జనవరిలో దరఖాస్తు చేసి మార్చిలోగా పర్యావరణ అనుమతి లభిస్తే.. 2027 ఏప్రిల్‌లో మామునూర్ ఎయిర్‌పోర్టు నిర్మాణ పనులు ప్రారంభమయ్యే అవకాశం ఉన్నట్లు అధికారులు అంచనా వేస్తున్నారు. అయితే అనుమతుల ప్రక్రియపై ఆధారపడి నిర్మాణ పనుల ప్రారంభ సమయం మారే అవకాశం ఉంది.
