ఘోరం.. 700 తిమింగలాలు, డాల్ఫిన్ల ఊచకోత!

ఘోరం.. 700 తిమింగలాలు, డాల్ఫిన్ల ఊచకోత!

ఫారో దీవుల్లో వార్షిక వేటపై ప్రపంచవ్యాప్తంగా ఆగ్రహం

ఉత్తర అట్లాంటిక్ సముద్రంలోని Faroe Islandsలో నిర్వహించే సంప్రదాయ గ్రైండాడ్రాప్ వేట మరోసారి వివాదాస్పదమైంది. ఈ సంప్రదాయంలో భాగంగా ఇప్పటివరకు సుమారు 700 తిమింగలాలు, డాల్ఫిన్లు వేటకు గురైనట్లు సమాచారం.

వేట సందర్భంగా వందలాది సముద్ర జీవులను ఒకేసారి చంపడంతో దీవి తీర ప్రాంత సముద్ర జలాలు రక్తంతో ఎర్రగా మారుతున్న దృశ్యాలు కలచివేస్తున్నాయి. ఈ ఘటనపై ప్రపంచవ్యాప్తంగా జంతు సంరక్షణ సంస్థలు, జంతు ప్రేమికులు తీవ్ర ఆందోళన వ్యక్తం చేస్తున్నారు.

శతాబ్దాల నాటి సంప్రదాయమని స్థానికులు సమర్థించుకుంటున్నప్పటికీ, ఆధునిక కాలంలో ఇలాంటి వేటలను నిలిపివేయాలని పర్యావరణవేత్తలు డిమాండ్ చేస్తున్నారు. సముద్ర జీవుల సంరక్షణ కోసం ఈ ఆచారానికి తక్షణమే ముగింపు పలకాలని పిలుపునిస్తున్నారు.