ప్రభుత్వాలు వెంటనే ‘బీసీ యాక్ట్’ ఏర్పాటు చేయాలి
తెలంగాణ
కేంద్ర–రాష్ట్ర ప్రభుత్వాలు వెంటనే ‘బీసీ యాక్ట్’ ఏర్పాటు చేయాలి
NTODAY NEWS: మంచిర్యాల ప్రతినిధి శ్రీనివాస్
జాతీయ బీసీ హక్కుల పోరాట సమితి డిమాండ్
మంచిర్యాల, 26-02-2026: బీసీల సామాజిక రక్షణ, భద్రత కోసం ప్రత్యేకంగా ‘బీసీ యాక్ట్’ తీసుకురావాలని జాతీయ బీసీ హక్కుల పోరాట సమితి డిమాండ్ చేసింది. దేశం మరియు రాష్ట్రంలో బీసీల డిమాండ్లపై దశాబ్దాలుగా పోరాటాలు జరుగుతున్నప్పటికీ, కేంద్రంలోని బీజేపీ ప్రభుత్వం గానీ, రాష్ట్రంలో గతం మరియు ప్రస్తుత ప్రభుత్వాలు గానీ స్పష్టమైన చర్యలు తీసుకోలేదని సంస్థ ప్రతినిధులు విమర్శించారు.
మంచిర్యాలలో జరిగిన సమావేశంలో జిల్లా అధ్యక్షుడు గుమ్ముల శ్రీనివాస్, నాయకులు శాఖపురి భీంసేన్, చంద్రమౌళి మాట్లాడుతూ ఆంధ్రప్రదేశ్ ముఖ్యమంత్రి నారా చంద్రబాబు నాయుడు బీసీల కోసం ప్రత్యేక చట్టం తీసుకురావాలనే ప్రకటన చేయడం స్వాగతించదగినదని తెలిపారు. దేశవ్యాప్తంగా బీసీల రక్షణకు చట్టపరమైన భరోసా అవసరమని పేర్కొన్నారు.
గతంలో వరంగల్లో యాదవ యువతిపై జరిగిన అత్యాచారం, హత్య ఘటనతో పాటు నాగర్కర్నూల్ జిల్లా కుమ్మెర జాతరలో రజక కుటుంబంపై జరిగిన దాడి ఘటనలను ప్రస్తావిస్తూ బీసీ వర్గాలకు తగిన రక్షణ లభించడం లేదని ఆవేదన వ్యక్తం చేశారు. ప్రభుత్వాలు బీసీల సమస్యలను ప్రాధాన్యంగా తీసుకుని వెంటనే ‘బీసీ యాక్ట్’ను అమలు చేయాలని, లేని పక్షంలో రాష్ట్రవ్యాప్తంగా ఆందోళన కార్యక్రమాలు చేపడతామని హెచ్చరించారు.
#Mancherial #BCAct #BCRights #SocialJustice #TelanganaNews
Follow us on
Website
Facebook
Instagram
YouTube 
