హైదరాబాద్: మూసారాంబాగ్ హై లెవల్ బ్రిడ్జి ప్రారంభం

హైదరాబాద్ మూసీ నదిపై అంబర్‌పేట–దిల్‌సుఖ్‌నగర్ మార్గంలో నిర్మించిన ముసారాంబాగ్ హై లెవల్ బ్రిడ్జిని ముఖ్యమంత్రి రేవంత్ రెడ్డి ప్రారంభించారు.

ప్రజాప్రతినిధులు, అధికారులతో కలిసి బ్రిడ్జిని పరిశీలించిన ముఖ్యమంత్రి.. అధికారులు ఏర్పాటు చేసిన ఫొటో ప్రదర్శనను తిలకించారు. ఈ సందర్భంగా నిర్మాణ వివరాలను అడిగి తెలుసుకున్నారు.

రూ.52 కోట్ల వ్యయంతో 400 మీటర్ల పొడవున నిర్మించిన ఈ బ్రిడ్జి అందుబాటులోకి రావడంతో అంబర్‌పేట, దిల్‌సుఖ్‌నగర్ ప్రాంతాల మధ్య రాకపోకలు మరింత సులభతరం కానున్నాయి.

బ్రిడ్జి ప్రారంభోత్సవ కార్యక్రమంలో పలువురు ప్రజాప్రతినిధులు, అధికారులు పాల్గొన్నారు.