ఇస్కాన్ ఆలయంలో తబలా వాయిస్తూ హరినామ సంకీర్తనలో పాల్గొన్న పశ్చిమ బెంగాల్ సీఎం సువేందు అధికారి

పశ్చిమ బెంగాల్ ముఖ్యమంత్రి సువేందు అధికారి రాజకీయ, అధికారిక కార్యక్రమాలకు కొద్దిసేపు విరామం ఇచ్చి ఆధ్యాత్మిక కార్యక్రమంలో పాల్గొన్నారు. తూర్పు మేదినీపూర్ జిల్లాలోని మెచెడాలో ఉన్న ఇస్కాన్ ఆలయాన్ని బుధవారం సందర్శించి ప్రత్యేక పూజలు నిర్వహించారు. నుదుటిపై తిలకం ధరించి, ధోవతి, కుర్తాతో సంప్రదాయ దుస్తుల్లో కనిపించిన ముఖ్యమంత్రి ఆలయంలో దేవతలకు హారతి ఇచ్చారు. అనంతరం భక్తులతో కలిసి భజనలు, హరినామ సంకీర్తనలో పాల్గొన్నారు. ఈ సందర్భంగా స్వయంగా తబలా వాయిస్తూ భక్తి గీతాలకు తాళం కలిపారు. సీఎం సువేందు అధికారి తబలా వాయిస్తూ హరినామ సంకీర్తనలో పాల్గొన్న దృశ్యాలు సామాజిక మాధ్యమాల్లో విస్తృతంగా ప్రచారం పొందుతున్నాయి. రాజకీయ కార్యకలాపాలకు భిన్నంగా ఆధ్యాత్మిక వాతావరణంలో ఆయన గడిపిన ఈ సమయానికి సంబంధించిన దృశ్యాలు పలువురి దృష్టిని ఆకర్షిస్తున్నాయి.