జాతీయ చలనచిత్ర అవార్డు విజేతలకు మంత్రి కొలుసు పార్థసారధి అభినందనలు

జాతీయ చలనచిత్ర అవార్డు విజేతలకు మంత్రి కొలుసు పార్థసారధి అభినందనలు

నూజివీడు/ఏలూరు, జూలై 19: కేంద్ర ప్రభుత్వం ప్రకటించిన జాతీయ చలనచిత్ర అవార్డులకు ఎంపికైన విజేతలందరికీ రాష్ట్ర గృహ నిర్మాణ, సమాచార మరియు పౌర సంబంధాల శాఖ మంత్రి కొలుసు పార్థసారధి హృదయపూర్వక అభినందనలు తెలిపారు.

ఉత్తమ చిత్రాల ద్వారా సమాజాన్ని చైతన్యవంతం చేస్తూ జాతీయ స్థాయిలో గుర్తింపు పొందిన కళాకారులు, సాంకేతిక నిపుణులు, చిత్ర బృందాలకు ఈ అవార్డులు దక్కడం గర్వకారణమని మంత్రి పేర్కొన్నారు.

తెలుగు చిత్ర పరిశ్రమకు చెందిన పుష్ప–2, కల్కి, లక్కీ భాస్కర్, అమరన్, కమిటీ కుర్రోళ్లు తదితర చిత్రాలకు జాతీయ అవార్డులు లభించడం చిత్ర బృందాలతో పాటు తెలుగు ప్రేక్షకులకు కూడా ఆనందదాయకమని అన్నారు.

భవిష్యత్తులో కూడా తెలుగు చిత్ర పరిశ్రమ ఇదే విజయ పరంపరను కొనసాగిస్తూ జాతీయ, అంతర్జాతీయ స్థాయిలో తెలుగువారి ప్రతిభను మరింత చాటాలని, వచ్చే ఏడాది మరిన్ని జాతీయ అవార్డులను సొంతం చేసుకోవాలని ఆకాంక్షిస్తున్నట్లు మంత్రి కొలుసు పార్థసారధి తెలిపారు.