చెన్నైలో శ్రేయ–ఉజ్వల్ వివాహ వేడుకలో సందడి చేసిన జగనన్న దంపతులు

చెన్నైలోని ప్రముఖ లీలా ప్యాలెస్ హోటల్ వేదికగా జరిగిన అనిల్ రెడ్డి కుమార్తె శ్రేయ వివాహ వేడుకకు వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్‌మోహన్ రెడ్డి తన సతీమణితో కలిసి హాజరయ్యారు. కుటుంబ సభ్యులు, బంధుమిత్రులు, ఆహ్వానితుల సమక్షంలో జరిగిన ఈ వివాహ వేడుకలో జగనన్న దంపతుల రాక ప్రత్యేక ఆకర్షణగా నిలిచింది. ఈ సందర్భంగా నూతన వధూవరులు శ్రేయ–ఉజ్వల్‌లను ఆప్యాయంగా పలకరించిన జగన్ దంపతులు పుష్పగుచ్ఛం అందించి శుభాకాంక్షలు తెలిపారు. అనంతరం వధూవరులను ఆశీర్వదించి వారి నూతన జీవితానికి శుభాకాంక్షలు అందించారు. వివాహ వేడుకలో కొద్దిసేపు గడిపిన జగనన్న దంపతులు కుటుంబ సభ్యులతో ఆత్మీయంగా ముచ్చటించారు. శ్రేయ–ఉజ్వల్‌ల వైవాహిక జీవితం ప్రేమానురాగాలు, సుఖసంతోషాలు, ఆయురారోగ్యాలతో నిండాలని ఆకాంక్షించారు.