జనసేనలోకి డాక్టర్ గడల శ్రీనివాసరావు.. తెలంగాణ విస్తరణకు కొత్త ఊపు!
హైదరాబాద్: తెలంగాణ ప్రజారోగ్య శాఖ మాజీ డైరెక్టర్ డాక్టర్ గడల శ్రీనివాసరావు జనసేన పార్టీలో చేరారు. హైదరాబాద్లో జరిగిన కార్యక్రమంలో జనసేన అధ్యక్షుడు, ఆంధ్రప్రదేశ్ ఉప ముఖ్యమంత్రి Pawan Kalyan పార్టీ కండువా కప్పి ఆయనను పార్టీలోకి ఆహ్వానించారు. ప్రజాసేవలో విశేష అనుభవం కలిగిన గడల శ్రీనివాసరావు చేరికతో తెలంగాణలో జనసేన మరింత బలోపేతం అవుతుందని పవన్ కళ్యాణ్ పేర్కొన్నారు.
హైలైట్స్:
జనసేనలో చేరిన మాజీ ప్రజారోగ్య శాఖ డైరెక్టర్ డాక్టర్ గడల శ్రీనివాసరావు
పార్టీ కండువా కప్పి ఆహ్వానించిన పవన్ కళ్యాణ్
కోవిడ్ సమయంలో చేసిన సేవలను ప్రశంసించిన జనసేన అధినేత
తెలంగాణలో పార్టీ విస్తరణకు గడల అనుభవం ఉపయోగపడుతుందని వ్యాఖ్య
ప్రజాసేవే లక్ష్యం.. జనసేన సరైన వేదిక అని గడల శ్రీనివాసరావు స్పష్టం
సమాజానికి మరింత విస్తృత స్థాయిలో సేవ చేయాలనే సంకల్పంతోనే జనసేనలో చేరాను. విలువలతో కూడిన రాజకీయాలకు జనసేన వేదికగా కనిపించింది. అని డాక్టర్ గడల శ్రీనివాసరావు తెలిపారు. తెలంగాణలో పార్టీ బలోపేతానికి తన వంతు కృషి చేస్తానని చెప్పారు.
