కరీంనగర్ చౌరస్తాలో సిరికొండ వాసి మృతి

 కరీంనగర్ చౌరస్తాలో సిరికొండ వాసి మృతి

లక్సెట్టిపేట మండలంలోని కరీంనగర్ చౌరస్తాలో ఓ వ్యక్తి మృతి చెందినట్లు ఎస్సై గోపతి సురేష్ తెలిపారు. పోలీసుల కథనం ప్రకారం.. వెల్గటూర్ మండలంలోని సిరికొండ గ్రామానికి చెందిన చుక్కారెడ్డి అనే వ్యక్తి గత కొంతకాలంగా మతిస్థిమితం లేక తిరుగుతూ కరీంనగర్ చౌరస్తాకు చేరుకున్నారు.

​సోమవారం ఆయన చౌరస్తాలో నిర్జీవంగా పడి ఉండటాన్ని స్థానికులు గమనించారు. సమాచారం అందుకున్న పోలీసులు ఘటన స్థలానికి చేరుకుని మృతదేహాన్ని పరిశీలించారు. అనంతరం చుక్కారెడ్డి మృతదేహాన్ని పోస్టుమార్టం నిమిత్తం లక్సెట్టిపేట ప్రభుత్వ ఆసుపత్రికి తరలించారు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు