అభివృద్ధి పథంలో కరీంనగర్
తెలంగాణ
అభివృద్ధి పథంలో కరీంనగర్: జిల్లా కలెక్టర్ పమేలా సత్పతి
NTODAY NEWS: కరీంనగర్
రాజ్యాంగ ఆదర్శాల సాధనలో ప్రతి పౌరుడు భాగస్వామి కావాలని జిల్లా కలెక్టర్ పమేలా సత్పతి పిలుపునిచ్చారు. 77వ భారత గణతంత్ర దినోత్సవాన్ని పురస్కరించుకొని జిల్లా పరేడ్ మైదానంలో జాతీయ పతాకాన్ని ఆవిష్కరించి జిల్లా ప్రజలను ఉద్దేశించి ఆమె ప్రసంగించారు. ముఖ్యమంత్రి రేవంత్ రెడ్డి దార్శనిక పాలనలో కరీంనగర్ జిల్లా అన్ని రంగాల్లో అగ్రగామిగా నిలుస్తోందని ఆమె పేర్కొన్నారు.
సంక్షేమ పథకాల అమలులో ముందంజ
ప్రభుత్వం ప్రతిష్టాత్మకంగా అమలు చేస్తున్న ఆరు గ్యారంటీలు జిల్లాలో విజయవంతంగా కొనసాగుతున్నాయని కలెక్టర్ తెలిపారు.
మహాలక్ష్మి పథకం:
జిల్లాలో 6.33 కోట్ల మంది మహిళలు ఉచిత బస్సు ప్రయాణ సౌకర్యాన్ని వినియోగించుకోగా, రూ.500లకే గ్యాస్ సిలిండర్ పథకం ద్వారా లక్షన్నర మందికి పైగా లబ్ధి పొందారు.
గృహజ్యోతి పథకం:
1.71 లక్షల గృహ విద్యుత్ కనెక్షన్లకు జీరో బిల్లులు అందుతున్నాయి.
రైతు భరోసా – రుణమాఫీ:
రూ.622 కోట్ల వ్యవసాయ రుణాలు మాఫీ చేయగా, రైతు భరోసా కింద రూ.206 కోట్లు రైతుల ఖాతాల్లో జమ చేసినట్లు తెలిపారు.
విద్య, వైద్య రంగాల్లో వినూత్న మార్పులు
ప్రభుత్వ పాఠశాలల బలోపేతానికి బ్రిక్స్ టు బుక్స్, విద్యా వాహిని వంటి వినూత్న కార్యక్రమాలు అమలు చేస్తున్నామని కలెక్టర్ తెలిపారు. వలస కూలీల పిల్లల కోసం ప్రత్యేక తరగతులు, విద్యార్థులకు ఉచిత డెంటల్ క్యాంపులు ఏర్పాటు చేశామని చెప్పారు.
వైద్య రంగంలో ఆరోగ్య మహిళ కార్యక్రమం ద్వారా 3.17 లక్షల మందికి పైగా మహిళలకు ఉచిత వైద్య పరీక్షలు నిర్వహించినట్లు వెల్లడించారు.
పేదరిక నిర్మూలన, శాంతిభద్రతలు
ఇందిరమ్మ ఇండ్లు:
అర్హులైన 11,575 మందికి ఇళ్లు మంజూరు చేయగా, ఇప్పటికే రూ.128.88 కోట్లు లబ్ధిదారులకు చెల్లించారు.
మహిళా సాధికారత:
స్వయం సహాయక సంఘాలకు రూ.684 కోట్ల బ్యాంక్ లింకేజీ రుణాలు అందించినట్లు తెలిపారు.
ఇటీవల జరిగిన గ్రామ పంచాయతీ ఎన్నికలను ప్రశాంతంగా నిర్వహించడంలో సహకరించిన పోలీస్ యంత్రాంగం, అధికారులను కలెక్టర్ అభినందించారు. మత్తు పదార్థాల నిర్మూలనకు ప్రతి పాఠశాలలో కాన్షియస్నెస్ క్లబ్‌లు ఏర్పాటు చేసినట్లు తెలిపారు.
ఈ కార్యక్రమంలో ప్రజాప్రతినిధులు, స్వాతంత్ర్య సమరయోధులు, ఉన్నతాధికారులు, విద్యార్థులు పాల్గొన్నారు.
#Karimnagar
#RepublicDay77
#DistrictDevelopment
#PamelaSatpathy
#WelfareSchemes
#WomenEmpowerment
#EducationReforms
#HealthcareInitiatives
#TelanganaDevelopment
Follow us on
Website
Facebook
Instagram
YouTube 
