కృష్ణలంక మాజీ సీఐ నాగరాజుపై మరో కేసు నమోదు..!

 విజయవాడలో సంచలనం రేపిన క్రాంతికుమార్ ఆత్మహత్య కేసులో కీలక పరిణామం చోటుచేసుకుంది. కృష్ణలంక మాజీ సీఐ నాగరాజుపై పోలీసులు మరో కేసు నమోదు చేశారు.

సీఐ నాగరాజు తనను తీవ్రంగా వేధిస్తున్నారని ఆరోపిస్తూ పేరు పోగు క్రాంతికుమార్ సెల్ఫీ వీడియో తీసి ఆత్మహత్యకు పాల్పడిన ఘటనలో, తొలుత నమోదు చేసిన అనుమానాస్పద మృతి కేసును పోలీసులు మార్చారు.

విచారణలో కొత్త ఆధారాలు, క్రాంతికుమార్ సెల్ఫీ వీడియో వెలుగులోకి రావడంతో కేసులో ఆత్మహత్యకు ప్రేరేపించడం (అబెట్‌మెంట్ టు సూసైడ్), అలాగే ఎస్సీ, ఎస్టీ అట్రాసిటీ చట్టం కింద సెక్షన్లు జోడించారు.

ఈ కేసులో మాజీ సీఐ నాగరాజును నిందితుడిగా చేర్చిన పోలీసులు, పూర్తి స్థాయి దర్యాప్తు చేపట్టారు. ఈ పరిణామం విజయవాడ పోలీస్ వర్గాల్లో చర్చనీయాంశంగా మారింది.