BREAKING
thumb ● గుంటూరు జిల్లాలో పంచాయతీ ఎన్నికలకు ప్రత్యేక అధికారుల నియామకం thumb ● ప్రశాంత వాతావరణంలో పంచాయతీ ఎన్నికలు నిర్వహించుకోవాలి thumb ● కేసముద్రంలో స్వేరో ఆత్మీయ సమ్మేళనం పోస్టర్ ఆవిష్కరణ thumb ● శ్రీ చెన్నకేశవ స్వామి ఆలయంలో సామూహిక సత్యనారాయణ స్వామి వ్రత పూజలు thumb ● మృతుని కుటుంబానికి రూ.5 వేల ఆర్థిక సాయం అందించిన మాజీ ఎంపీటీసీ అశోక్ thumb ● చెట్ల తొలగింపుపై ఆరోపణలు అవాస్తవం.. అన్ని అనుమతులతోనే తొలగించాం thumb ● మల్రెడ్డి యువశక్తి ఆధ్వర్యంలో జాబ్ మేళా.. భారీగా హాజరైన నిరుద్యోగ యువత thumb ● మూడోసారి రెడ్‌క్రాస్ సొసైటీ రాష్ట్ర కార్యవర్గ సభ్యుడిగా రావుల రవిచంద్ర రెడ్డి thumb ● బైకును ఢీకొన్న కారు.. ఇద్దరు విద్యార్థులకు తీవ్ర గాయాలు thumb ● రోడ్డుపై వరి ధాన్యం కుప్పలు చీకటి లో ప్రయాణికులకు తిప్పలు thumb ● గుంటూరు జిల్లాలో పంచాయతీ ఎన్నికలకు ప్రత్యేక అధికారుల నియామకం thumb ● ప్రశాంత వాతావరణంలో పంచాయతీ ఎన్నికలు నిర్వహించుకోవాలి thumb ● కేసముద్రంలో స్వేరో ఆత్మీయ సమ్మేళనం పోస్టర్ ఆవిష్కరణ thumb ● శ్రీ చెన్నకేశవ స్వామి ఆలయంలో సామూహిక సత్యనారాయణ స్వామి వ్రత పూజలు thumb ● మృతుని కుటుంబానికి రూ.5 వేల ఆర్థిక సాయం అందించిన మాజీ ఎంపీటీసీ అశోక్ thumb ● చెట్ల తొలగింపుపై ఆరోపణలు అవాస్తవం.. అన్ని అనుమతులతోనే తొలగించాం thumb ● మల్రెడ్డి యువశక్తి ఆధ్వర్యంలో జాబ్ మేళా.. భారీగా హాజరైన నిరుద్యోగ యువత thumb ● మూడోసారి రెడ్‌క్రాస్ సొసైటీ రాష్ట్ర కార్యవర్గ సభ్యుడిగా రావుల రవిచంద్ర రెడ్డి thumb ● బైకును ఢీకొన్న కారు.. ఇద్దరు విద్యార్థులకు తీవ్ర గాయాలు thumb ● రోడ్డుపై వరి ధాన్యం కుప్పలు చీకటి లో ప్రయాణికులకు తిప్పలు
Test 4
Date of Publish : 02 October 2026, 08:51 am
Posted by : BOYA SWAMY

తెలంగాణ కేబినెట్ కీలక నిర్ణయాలు

తెలంగాణ
/ హైదరాబాద్ / హిమాయత్‌నగర్
Reporter
Boya Swamy Chityala Mandal
02 Oct, 2026 - 08:51 AM
60 వీక్షణలు

తెలంగాణ కేబినెట్ కీలక నిర్ణయాలు.. ఉద్యోగులకు రెండు డీఏలు

హైదరాబాద్: ముఖ్యమంత్రి ఎ. రేవంత్ రెడ్డి అధ్యక్షతన గురువారం జరిగిన తెలంగాణ రాష్ట్ర మంత్రివర్గ సమావేశంలో ఉద్యోగులు, పెన్షనర్లు, కరువు పరిస్థితులు, విద్యుత్, ధాన్యం కొనుగోళ్లు, సాగునీటి ప్రాజెక్టులు, డిజిటల్ మీడియా ప్రకటనల పాలసీ తదితర అంశాలపై పలు కీలక నిర్ణయాలు తీసుకున్నారు.

ఉద్యోగులు, పెన్షనర్లకు రెండు డీఏలు

రాష్ట్ర ప్రభుత్వ ఉద్యోగులకు పెండింగ్‌లో ఉన్న రెండు డీఏలను, పెన్షనర్లకు డీఆర్‌ను మంజూరు చేయడానికి కేబినెట్ ఆమోదం తెలిపింది. 2024 నుంచి పెండింగ్‌లో ఉన్న డీఏలకు సంబంధించిన బకాయిలను విడతల వారీగా చెల్లించాలని నిర్ణయించినట్లు సమాచారం. ఈ నిర్ణయంతో ప్రభుత్వంపై ఏడాదికి సుమారు రూ.2,500 కోట్ల అదనపు ఆర్థిక భారం పడనుంది.

కరువు పరిస్థితులపై చర్చ

ఎల్‌నినో ప్రభావం, వర్షాభావ పరిస్థితులపై మంత్రివర్గం సుదీర్ఘంగా చర్చించింది. నైరుతి రుతుపవనాల కాలంలో రాష్ట్రంలో 17 శాతం వర్షపాతం లోటు నమోదైనట్లు సమావేశంలో వెల్లడించారు. సుమారు 235 మండలాల్లో తీవ్ర వర్షాభావ పరిస్థితులు ఉన్నట్లు అధికారులు వివరించినట్లు సమాచారం.

కరువు ప్రభావిత ప్రాంతాల్లో తక్షణం చేపట్టాల్సిన సహాయక చర్యలపై కేబినెట్ సబ్‌కమిటీ ద్వారా సమగ్రంగా పరిశీలించాలని నిర్ణయించారు. ఈ అంశంపై అఖిలపక్ష సమావేశం నిర్వహించడంతో పాటు రైతు సంఘాలు, వివిధ రంగాల నిపుణుల నుంచి సూచనలు తీసుకోవాలని నిర్ణయించినట్లు సమాచారం. కేంద్ర ప్రభుత్వం నుంచి అవసరమైన సహాయం కోరాలని కూడా కేబినెట్ నిర్ణయించింది.

ధాన్యం కొనుగోళ్లకు ఏర్పాట్లు

ఖరీఫ్ సీజన్‌లో ధాన్యం కొనుగోళ్లకు అవసరమైన ఏర్పాట్లను ముందుగానే పూర్తి చేయాలని అధికారులను ఆదేశించారు. ఈ సీజన్‌లో సుమారు 65 లక్షల మెట్రిక్ టన్నుల ధాన్యం కొనుగోలు చేయాల్సి ఉంటుందని అంచనా వేసినట్లు సమాచారం. కొనుగోలు కేంద్రాలను త్వరగా ప్రారంభించి ప్రక్రియ సజావుగా జరిగేలా చర్యలు తీసుకోవాలని సూచించారు.

విద్యుత్ వినియోగంపై ప్రత్యేక దృష్టి

రాష్ట్రంలో విద్యుత్ డిమాండ్ పెరుగుతున్న నేపథ్యంలో సరఫరాకు అవసరమైన ఏర్పాట్లు చేయాలని కేబినెట్ నిర్ణయించింది. ప్రస్తుత సీజన్‌లో విద్యుత్ పీక్ డిమాండ్ 19,892 మెగావాట్లకు చేరినట్లు సమావేశంలో వివరించారు. భవిష్యత్ అవసరాలను దృష్టిలో ఉంచుకుని విద్యుత్ ఉత్పత్తి, కొనుగోలు, సమీకరణపై దృష్టి పెట్టాలని నిర్ణయించారు.

7,800 మెగావాట్ల విద్యుత్ ప్రణాళిక

సుమారు 7,800 మెగావాట్ల అదనపు విద్యుత్ ఉత్పత్తి సామర్థ్యాన్ని ఏర్పాటు చేసే ప్రతిపాదనలకు కేబినెట్ ఆమోదం తెలిపినట్లు సమాచారం. ఇందులో 3,000 మెగావాట్ల సోలార్ విద్యుత్, 4,000 మెగావాట్ల బ్యాటరీ ఎనర్జీ స్టోరేజ్ సిస్టమ్, 800 మెగావాట్ల పవన విద్యుత్ సామర్థ్యం ఉన్నాయి. కేంద్ర నిబంధనలకు అనుగుణంగా బిడ్డింగ్ విధానంలో ప్రాజెక్టులను చేపట్టాలని నిర్ణయించినట్లు సమాచారం.

కోహెడలో ఇంటిగ్రేటెడ్ ఫ్రూట్ మార్కెట్

రంగారెడ్డి జిల్లా అబ్దుల్లాపూర్‌మెట్ మండలం కోహెడలో ప్రపంచస్థాయి ప్రమాణాలతో ఇంటిగ్రేటెడ్ ఫ్రూట్ మార్కెట్ ఏర్పాటు పనులను వేగవంతం చేయాలని కేబినెట్ నిర్ణయించింది. మార్కెట్‌ను ప్రభుత్వ నిధులతో ఏర్పాటు చేసే అంశంపై చర్యలు తీసుకోవాలని సూచించినట్లు సమాచారం.

పెండింగ్ సాగునీటి ప్రాజెక్టులపై సమీక్ష

దీర్ఘకాలంగా పెండింగ్‌లో ఉన్న ప్రాజెక్టులను పునఃసమీక్షించాలని మంత్రివర్గం నిర్ణయించింది. ఈపీసీ విధానంలో చేపట్టి అసంపూర్తిగా ఉన్న ప్రాజెక్టులపై సమీక్ష నిర్వహించాలని సూచించింది. ఇందులో భాగంగా 10 ఈపీసీ సాగునీటి ప్రాజెక్టులను నిలిపివేసే ప్రతిపాదనకు ఆమోదం తెలిపినట్లు సమాచారం.

డిజిటల్ మీడియా ప్రకటనల పాలసీకి ఆమోదం

తెలంగాణలో డిజిటల్ మీడియా అడ్వర్టైజింగ్‌కు ప్రత్యేక పాలసీ అమలు చేసే ప్రతిపాదనకు మంత్రివర్గం ఆమోదం తెలిపింది. కేంద్ర ప్రభుత్వ సెంట్రల్ బ్యూరో ఆఫ్ కమ్యూనికేషన్ రూపొందించిన డిజిటల్ అడ్వర్టైజింగ్ పాలసీకి అనుగుణంగా రాష్ట్ర పాలసీని రూపొందించినట్లు సమాచారం.

ఢిల్లీలో అధికారుల నియామకానికి ఆమోదం

న్యూఢిల్లీలోని తెలంగాణ భవన్ రెసిడెంట్ కమిషనర్ కార్యాలయంలో డిప్యూటీ కమిషనర్ పోస్టుతో పాటు మరో నలుగురు గ్రూప్-1 అధికారులను రాష్ట్ర ప్రభుత్వం తరఫున పనిచేసేందుకు నియమించే ప్రతిపాదనకు కేబినెట్ ఆమోదం తెలిపినట్లు సమాచారం.

మంత్రివర్గ సమావేశంలో తీసుకున్న నిర్ణయాలను మంత్రులు పొన్నం ప్రభాకర్, అడ్లూరి లక్ష్మణ్ కుమార్, పొంగులేటి శ్రీనివాస్ రెడ్డి మీడియాకు వెల్లడించారు.