మేడూరు అంగన్వాడీలో లబ్ధిదారులకు ఆకుకూరల పంపిణీ

మేడూరు అంగన్వాడీలో లబ్ధిదారులకు ఆకుకూరల పంపిణీ

ఎన్టీఆర్ జిల్లా తిరువూరు నియోజకవర్గం గంపలగూడెం మండలం మేడూరు గ్రామంలోని మేడూరు-2 అంగన్వాడీ కేంద్రంలో శుక్రవారం బాలింతలు, గర్భిణీలు, అంగన్వాడీ చిన్నారుల తల్లులకు ఆకుకూరలు పంపిణీ చేశారు.

ఈ సందర్భంగా అంగన్వాడీ టీచర్ కే. నాగలక్ష్మి మాట్లాడుతూ అంగన్వాడీ ప్రాంగణంలో ఏర్పాటు చేసిన పోషణ వాటికలో (న్యూట్రీ గార్డెన్) ఆకుకూరలను సాగు చేస్తున్నట్లు తెలిపారు. అంగన్వాడీ కేంద్రంలో చిన్నారులకు అందించే మధ్యాహ్న భోజనంలో ఈ ఆకుకూరలను వినియోగిస్తున్నామని చెప్పారు. మిగిలిన ఆకుకూరలను లబ్ధిదారులకు పంపిణీ చేస్తున్నట్లు వివరించారు.

ఆహారంలో ఆకుకూరలను భాగం చేసుకోవడం వల్ల శరీరానికి అవసరమైన పోషకాలు లభించి ఆరోగ్యానికి ఎంతో మేలు జరుగుతుందని నాగలక్ష్మి తెలిపారు. ఈ కార్యక్రమంలో అంగన్వాడీ సహాయకురాలు టి. దుర్గాభవాని, బాలింతలు, గర్భిణీలు తదితరులు పాల్గొన్నారు.