మధిరలో ఘనంగా సర్దార్ సర్వాయి పాపన్న గౌడ్ 376వ జయంతి వేడుకలు

మధిరలో ఘనంగా సర్దార్ సర్వాయి పాపన్న గౌడ్ 376వ జయంతి వేడుకలు

మధిర: తెలంగాణ రాష్ట్రం ఖమ్మం జిల్లా మధిర నియోజకవర్గం మధిర పట్టణంలో సర్దార్ సర్వాయి పాపన్న గౌడ్ 376వ జయంతి వేడుకలను మధిర గౌడ సంఘం ఆధ్వర్యంలో మంగళవారం ఘనంగా నిర్వహించారు.

ఈ సందర్భంగా గౌడ సంఘం నాయకులు సర్దార్ సర్వాయి పాపన్న గౌడ్ చిత్రపటానికి పూలమాలలు వేసి ఘన నివాళులు అర్పించారు. అనంతరం జరిగిన కార్యక్రమంలో సంఘం ప్రతినిధులు మాట్లాడుతూ.. బహుజన రాజ్యాధికారం కోసం, పేద ప్రజల హక్కుల కోసం పోరాడిన గొప్ప యోధుడు సర్దార్ సర్వాయి పాపన్న గౌడ్ అని కొనియాడారు.

పాపన్న గౌడ్ పోరాట స్ఫూర్తి, ఆశయాలు నేటి తరానికి ఆదర్శప్రాయమని పేర్కొన్నారు. సమాజంలో వెనుకబడిన వర్గాల అభ్యున్నతికి ఆయన చేసిన కృషిని ప్రతి ఒక్కరూ గుర్తుంచుకోవాలని పిలుపునిచ్చారు.

ఈ కార్యక్రమంలో గౌడ సంఘం నాయకులు గాలి ప్రసాద్ గౌడ్, వంగాల చంద్రన్న గౌడ్, మరీదు పరమయ్య గౌడ్, వంగూరి అజిత గౌడ్, తోట రూపస్ గౌడ్, సువర్ణ కంటి సూర్య చందర్ గౌడ్, ఇ. రామకృష్ణ గౌడ్, ఇ. ధనుష్ గౌడ్, పి. రాజేష్ గౌడ్, పి. హరికృష్ణ గౌడ్, ఇటికాల అర్జున్ గౌడ్ తదితరులు పాల్గొన్నారు.