ఏలూరు జిల్లా జడ్పీటీసీ రేసు నుంచి తప్పుకున్న మాగంటి కుటుంబం

మాగంటి పద్మవల్లికి బీ-ఫామ్ నిరాకరణ.. ఘంటా జాహ్నవికి టీడీపీ అవకాశం

 ఏలూరు జిల్లా పరిషత్ ప్రాదేశిక నియోజకవర్గాల ఎన్నికల నేపథ్యంలో కామవరపుకోట జడ్పీటీసీ స్థానం రాజకీయంగా ఆసక్తికరంగా మారింది. ఈ స్థానం నుంచి పోటీ చేసేందుకు నామినేషన్ దాఖలు చేసిన మాగంటి బాబు సతీమణి మాగంటి పద్మవల్లి దేవికి తెలుగుదేశం పార్టీ బీ-ఫామ్ దక్కకపోవడంతో ఆమె పోటీ నుంచి తప్పుకోవాల్సి వచ్చింది. పార్టీ అధిష్టానం తీసుకున్న నిర్ణయం మేరకు అక్టోబర్ 27వ తేదీన ఏలూరులో ఆమె నామినేషన్‌ను ఉపసంహరించుకున్నారు. కామవరపుకోట జడ్పీటీసీ స్థానానికి తెలుగుదేశం పార్టీ తరఫున పోటీ చేసేందుకు చింతలపూడి మాజీ ఎమ్మెల్యే ఘంటా మురళి కుమార్తె ఘంటా జాహ్నవికి పార్టీ అధిష్టానం బీ-ఫామ్ అందజేసింది. దీంతో ఈ స్థానం నుంచి టీడీపీ అభ్యర్థిగా ఘంటా జాహ్నవి పోటీ చేయనున్నారు. పార్టీ అధిష్టానం తీసుకున్న ఈ నిర్ణయంతో మాగంటి కుటుంబం జడ్పీటీసీ పోటీ నుంచి తప్పుకుంది. కామవరపుకోట జడ్పీటీసీ స్థానం నుంచి టీడీపీ అభ్యర్థిగా ఘంటా జాహ్నవి బరిలో నిలవడంతో స్థానిక రాజకీయ పరిణామాలు ప్రాధాన్యత సంతరించుకున్నాయి.