మల్లికార్జున స్వామికి వైభవంగా పాగాలంకరణ
తెలంగాణ
శ్రీశైలంలో మల్లికార్జున స్వామికి వైభవంగా పాగాలంకరణ
NTODAY NEWS: నంద్యాల జిల్లా ప్రతినిధి మల్లికార్జున
మహాశివరాత్రి బ్రహ్మోత్సవాల సందర్భంగా శ్రీశైలం దేవస్థానంలో మల్లికార్జున స్వామికి పాగాలంకరణ కార్యక్రమం ఘనంగా నిర్వహించబడింది. లింగోద్భవకాల మహారుద్రాభిషేకం ప్రారంభమైన అనంతరం పాగాలంకరణ ఆచారం సంప్రదాయబద్ధంగా కొనసాగింది.
బ్రహ్మోత్సవాల్లో జరిగే ఈ పాగాలంకరణకు ప్రత్యేక ప్రాధాన్యత ఉంది. వివాహ వేడుకల్లో వరుడికి తలపాగ చుట్టే సంప్రదాయానికి ప్రతీకగా ఈ ఆచారం కొనసాగుతోంది. గర్భగుడి విమాన శిఖరం నుంచి ముఖ మండపంలోని నందివిగ్రహాల వరకు పాగాను అనుసంధానం చేస్తూ అలంకరించడం ఈ కార్యక్రమంలోని విశిష్టతగా భావించబడుతుంది.
భక్తులు నియమ నిష్ఠలతో సంవత్సరంలో 365 మూరల పొడవుతో పాగాను నేస్తారు. పాగాలను అలంకరించే వ్యక్తి దిగంబరంగా సేవ నిర్వహించాల్సి ఉండటంతో, ఆ సమయంలో ఆలయంలో విద్యుత్ సరఫరా నిలిపివేయబడుతుంది. సంపూర్ణ చీకటిలో ఈ అలంకరణ చేయడం విశేష నైపుణ్యంతో కూడుకున్నదిగా భావించబడుతుంది.
రాత్రి 10 గంటల నుంచి ప్రకాశం జిల్లా చీరాల మండలం హస్తినాపురం గ్రామానికి చెందిన పృథ్వీ సుబ్బారావు స్వయంగా తెచ్చిన పాగాతో పాటు భక్తులు సమర్పించిన పాగాలను స్వామివారికి అలంకరించారు. ఈ కార్యక్రమాన్ని వీక్షించేందుకు భారీ సంఖ్యలో భక్తులు తరలివచ్చారు.
#Srisailam
#MallikarjunaSwamy
#Pagalankarana
#Mahashivaratri2026
#TempleTradition
Follow us on
Website
Facebook
Instagram
YouTube 
