ముద్దనూరులో ఘనంగా తెలుగు భాషా దినోత్సవ వేడుకలు

ముద్దనూరు: గిడుగు వెంకట రామమూర్తి పంతులు జయంతిని పురస్కరించుకుని ముద్దనూరులోని బాలికల ఉన్నత పాఠశాలలో తెలుగు భాషా దినోత్సవ వేడుకలను ఘనంగా నిర్వహించారు.

ఈ సందర్భంగా పాఠశాల విద్యార్థినులు వివిధ సాంస్కృతిక కార్యక్రమాల్లో పాల్గొన్నారు. తెలుగు భాష గొప్పతనం, తెలుగు సాహిత్యానికి గిడుగు రామమూర్తి పంతులు చేసిన సేవలను విద్యార్థులకు వివరించారు. వ్యవహారిక భాష ఉద్యమానికి గిడుగు రామమూర్తి పంతులు చేసిన కృషిని ఉపాధ్యాయులు విద్యార్థులకు తెలియజేశారు.

తెలుగు భాషను పరిరక్షించడంతో పాటు, భావితరాలకు తెలుగు భాషా సాహిత్య ప్రాధాన్యతను తెలియజేయాల్సిన అవసరం ఉందని ఉపాధ్యాయులు పేర్కొన్నారు. విద్యార్థులు తెలుగు భాషపై ఆసక్తి పెంచుకుని, నిత్య జీవితంలో తెలుగును విస్తృతంగా ఉపయోగించాలని సూచించారు.

ఈ కార్యక్రమంలో పాఠశాల ఉపాధ్యాయులు, విద్యార్థినులు పాల్గొని తెలుగు భాషా దినోత్సవ వేడుకలను విజయవంతం చేశారు.