కోతి సమాధి వద్ద శ్రావణ శోభ,పోటెత్తిన భక్తజనం
కోతి సమాధి వద్ద శ్రావణ శోభ,పోటెత్తిన భక్తజనం
అభయాంజనేయ స్వామికి శ్రావణ శనివార ప్రత్యేక పూజలు
పులివెందుల అర్బన్
పులివెందుల పట్టణ పరిధిలోని కోతి సమాధి వద్ద గల అభయాంజనేయ స్వామి దేవస్థానంలో శ్రావణ శనివారాన్ని పురస్కరించుకుని ప్రత్యేక పూజా కార్యక్రమాలు, అన్నదానం ఘనంగా నిర్వహించారు.ఈ సందర్భంగా ఆలయం భక్తులతో కిటకిటలాడుతూ శ్రావణ శోభ సంతరించుకుంది.
తెల్లవారుజాము నుంచే ఆలయ ప్రధాన అర్చకుల ఆధ్వర్యంలో స్వామివారికి పంచామృతాభిషేకాలు,విశేష ఆకుపూజలు శాస్త్రోక్తంగా జరిగాయి.అనంతరం స్వామివారిని విశేషంగా అలంకరించి,మహా మంగళహారతి సమర్పించారు.అధిక సంఖ్యలో తరలివచ్చిన భక్తులు స్వామివారిని దర్శించుకుని మొక్కులు చెల్లించుకున్నారు.పూజా కార్యక్రమాలలో భాగంగా ఆలయ ప్రాంగణంలో భక్తులు నిర్వహించిన హనుమాన్ భజనలు,సంకీర్తనలు భక్తిభావాన్ని నింపాయి. పూజానంతరం భక్తులందరికీ అన్నదాన వితరణ చేపట్టారు.పవిత్రమైన శ్రావణ మాసంలో స్వామివారిని ఆరాధించడం,
అన్నదానం చేయడం వల్ల విశేష పుణ్యఫలాలు లభిస్తాయని ఆలయ అర్చకులు తెలిపారు.ఈ కార్యక్రమాల నిర్వహణకు సహకరించిన ఉభయదాతలకు స్వామివారి ఆశీస్సులు ఎల్లప్పుడూ ఉండాలని ఆకాంక్షించారు.ఈ కార్యక్రమంలో ఆలయ కమిటీ నిర్వాహకులు,స్థానిక ప్రముఖులు మరియు భక్తులు పెద్ద సంఖ్యలో పాల్గొన్నారు.
