ప్రగడవరంలో ఇంటి నిర్మాణ లబ్ధిదారుల జాబితా ప్రకటించిన గ్రామసభ

చింతలపూడి నియోజకవర్గ రిపోర్టర్ కుడిపుడి సత్తి బాబు 

ఏలూరు జిల్లా, చింతలపూడి మండలం, ప్రగడవరం: ఇంటి నిర్మాణం కోసం దరఖాస్తు చేసుకున్న వారి అర్హులు, అనర్హుల జాబితాను ప్రకటించేందుకు మంగళవారం ప్రగడవరం గ్రామపంచాయతీ కార్యాలయంలో గ్రామసభ నిర్వహించారు.

ఈ సందర్భంగా అధికారులు దరఖాస్తుల పరిశీలన అనంతరం అర్హులు, అనర్హుల జాబితాను గ్రామస్తుల సమక్షంలో వెల్లడించి, ఎంపిక ప్రక్రియపై వివరాలు తెలియజేశారు.

గ్రామసభలో హౌసింగ్ ఏఈ, ఇంజినీరింగ్ అసిస్టెంట్, పంచాయతీ కార్యదర్శి, మాజీ ఎంపీటీసీ కనమత రెడ్డి రాజారెడ్డి, తాళ్లూరి చంద్రశేఖర్ రెడ్డి, కోసన చంద్రబాబు తదితరులు పాల్గొన్నారు.

అలాగే ఎన్డీఏ కూటమి నాయకులు, ఇంటి నిర్మాణం కోసం దరఖాస్తు చేసుకున్న లబ్ధిదారులు అధిక సంఖ్యలో హాజరై గ్రామసభను విజయవంతం చేశారు. అధికారులు లబ్ధిదారుల సందేహాలకు సమాధానాలు ఇస్తూ, పారదర్శకంగా ఎంపిక ప్రక్రియ కొనసాగుతుందని తెలిపారు.