ఫోటోగ్రాఫర్ల సమస్యల పరిష్కారానికి ఐక్యంగా కృషి చేయాలి: చాట్రాయి మండల ఫోటోగ్రాఫర్ల సంఘం

ఏలూరు జిల్లా నూజివీడు నియోజకవర్గం చాట్రాయి మండల ఫోటోగ్రాఫర్ల సంఘం అధ్యక్షులు సవరం రామారావు ఆధ్వర్యంలో సమావేశం నిర్వహించారు. ఈ సమావేశంలో ఫోటోగ్రాఫర్లు ఎదుర్కొంటున్న వివిధ సమస్యలపై విస్తృతంగా చర్చించారు.

యూనియన్ సభ్యుల్లో ఎవరికైనా ఎటువంటి సమస్య ఎదురైనా అందరూ కలసికట్టుగా నిలబడి పరిష్కారానికి కృషి చేయాలని సమావేశంలో తీర్మానించారు. సంఘం బలోపేతానికి సభ్యులంతా ఐకమత్యంతో పనిచేయాలని నాయకులు పిలుపునిచ్చారు.

ఈ సమావేశంలో గౌరవ అధ్యక్షులు సోమిశెట్టి శ్రీనివాసరావు, సీనియర్ ఫోటోగ్రాఫర్ పడగ షణ్ముఖ, ఉపాధ్యక్షులు గమిడిమెల్లి ప్రభాకర్, కార్యదర్శి రెబ్బు సుమన్, సంయుక్త కార్యదర్శి ఇజ్జిగిరి కేశవరావు, కోశాధికారి లింగోజు మురళి, మండలంలోని ఫోటోగ్రాఫర్లు పాల్గొన్నారు.