ఫోటోగ్రాఫర్ యేళ్ల బయ్యన్నకు కళాపురస్కార్
NTODAY NEWS : చిట్యాల
నల్గొండ జిల్లా చిట్యాల పట్టణానికి చెందిన సీనియర్ ఫోటోగ్రాఫర్ యేళ్ల బయ్యన్న ఫోటోగ్రఫీ రంగంలో ప్రతిష్టాత్మక కళాపురస్కార్-26 అవార్డును అందుకున్నారు. సాంప్రదాయ ఫోటోగ్రఫీలో విశిష్ట ప్రతిభ కనబరిచినందుకు ఆయనకు ఉత్తమ ట్రెడిషనల్ ఫోటోగ్రాఫర్ అవార్డు లభించింది. ఈ నెల 2, 3, 4 తేదీల్లో శంషాబాద్‌లోని ఎస్‌ఎస్‌ కన్వెన్షన్ హాల్‌లో ఫోటోటెక్, ఎడిట్ పాయింట్ ఇండియా సంస్థల సంయుక్త ఆధ్వర్యంలో నిర్వహించిన ఫోటోగ్రఫీ ఎక్స్‌పోలో భాగంగా భారత్ కళాపురస్కార్-26 కార్యక్రమాన్ని నిర్వహించారు. ఈ సందర్భంగా నిర్వహించిన ఫోటోగ్రఫీ పోటీలో సాంప్రదాయ ఫోటోగ్రఫీ విభాగంలో యేళ్ల బయ్యన్న ప్రతిభ కనబరిచి అవార్డును దక్కించుకున్నారు. ఈ కార్యక్రమంలో సంస్థ నిర్వాహకులు అభిమన్యు రెడ్డి, ఇప్పలపల్లి రమేష్ చేతుల మీదుగా యేళ్ల బయ్యన్న అవార్డును అందుకున్నారు. చిట్యాల ప్రాంతానికి చెందిన ఫోటోగ్రాఫర్ ప్రతిష్టాత్మక వేదికపై అవార్డు అందుకోవడం పట్ల స్థానికులు, ఫోటోగ్రఫీ రంగానికి చెందిన పలువురు అభినందనలు తెలిపారు.
