ఫిట్స్‌తో కుప్పకూలిన మహిళకు పోలీసుల సాయం
తెలంగాణ
/
రాజన్న సిరిసిల్ల
Seetha Kiran Kumar
హన్మకొండ మండలం
- బ్లూకోట్‌ కానిస్టేబుల్‌ ప్రశాంత్‌, హోంగార్డు శ్రీనివాస్‌ చారికి అభినందనలు
- తక్షణమే ప్రథమ చికిత్స అందించి మానవత్వం చాటుకున్న సిబ్బంది
ఎల్లారెడ్డిపేట: ప్రజలకు రక్షణ కల్పించడమే కాకుండా ఆపదలో ఉన్నవారికి అండగా నిలవడం కూడా పోలీసుల బాధ్యతని ఎల్లారెడ్డిపేటలో ఇద్దరు పోలీసు సిబ్బంది చాటిచెప్పారు.
ఎల్లారెడ్డిపేట మొదటి బైపాస్‌ రోడ్డుపై ఓ మహిళ ఫిట్స్‌తో అకస్మాత్తుగా కుప్పకూలింది. ఈ ఘటనను గమనించిన బ్లూకోట్‌ కానిస్టేబుల్‌ ప్రశాంత్‌, హోంగార్డు శ్రీనివాస్‌ చారి వెంటనే స్పందించి ఆమెకు ప్రథమ చికిత్స అందించారు. ఆపద సమయంలో సకాలంలో స్పందించి మానవత్వం చాటుకున్నారు.
విధి నిర్వహణలో అప్రమత్తతతో పాటు మానవతా దృక్పథంతో వ్యవహరించిన కానిస్టేబుల్‌ ప్రశాంత్‌, హోంగార్డు శ్రీనివాస్‌ చారిని పలువురు అభినందిస్తున్నారు.
