రాముని జీవితం ప్రతి ఒక్కరికీ స్ఫూర్తిదాయకం: ఎమ్మెల్యే ప్రేమ్ సాగర్ రావు

రాముని జీవితం ప్రతి ఒక్కరికీ 

మంచిర్యాల: శ్రీరామనవమి పర్వదినాన్ని పురస్కరించుకుని మంచిర్యాల మున్సిపల్ కార్పొరేషన్ పరిధిలోని పలు డివిజన్లలోని ఆలయాల్లో అత్యంత వైభవంగా జరిగిన శ్రీ సీతారాముల కళ్యాణ మహోత్సవాల్లో నియోజకవర్గ ఎమ్మెల్యే ప్రేమ్ సాగర్ రావు పాల్గొన్నారు. ఈ సందర్భంగా ఆయన స్వామివారిని దర్శించుకుని ప్రత్యేక పూజలు నిర్వహించి మొక్కులు చెల్లించుకున్నారు. అనంతరం ఆయన మాట్లాడుతూ, లోక కల్యాణం కోసం అవతరించిన శ్రీరాముడి జీవితం ప్రతి ఒక్కరికీ ఆదర్శనీయమని, రాముడు చూపిన ధర్మబద్ధమైన బాటలో అందరూ నడవాలని పిలుపునిచ్చారు. రామరాజ్య స్థాపన లక్ష్యంగా ప్రతి ఒక్కరూ సమాజ హితం కోరాలని ఆకాంక్షించిన ఈ కార్యక్రమంలో పలువురు ప్రజాప్రతినిధులు, నాయకులు మరియు భక్తులు పెద్ద సంఖ్యలో పాల్గొన్నారు