రోడ్లపై చెత్త వేస్తే భారీ జరిమానా

రోడ్లపై చెత్త వేస్తే భారీ జరిమానా: అధికారిణి ధర్మరాణి హెచ్చరిక​

మంచీర్యాల జిల్లా దండేపల్లి మండలం మేదరిపేట గ్రామ పంచాయతీ పరిధిలో శుక్రవారం డివిజనల్ పంచాయతీ అధికారిణి (DPO) ధర్మరాణి ఆకస్మిక తనిఖీలు నిర్వహించి, రోడ్లపై చెత్త వేసే వారిపై కఠిన చర్యలు తీసుకోవాలని ఆదేశించారు. ఈ సందర్భంగా ఆమె మాట్లాడుతూ, నిబంధనలు అతిక్రమించి బహిరంగ ప్రదేశాల్లో చెత్త వేసే దుకాణదారులకు రూ. 2,000 నుండి రూ. 10,000 వరకు భారీ జరిమానాలు విధించాలని సర్పంచ్, పంచాయతీ కార్యదర్శులను ఆదేశించారు. అలాగే, మేదరిపేటలోని వ్యాపారులందరికీ తక్షణమే నోటీసులు జారీ చేయాలని, గ్రామంలో పరిశుభ్రత పాటించని పక్షంలో ఎట్టి పరిస్థితుల్లోనూ ఉపేక్షించబోమని ఆమె స్పష్టం చేశారు