నిషేధిత చైనా మాంజా పట్టివేత: ఒకరు అరెస్ట్

NTODAY NEWS: రామన్నపేట యాదాద్రి భువనగిరి జిల్లా రామన్నపేట మండలంలో నిషేధిత చైనా మాంజాను విక్రయిస్తున్న వ్యక్తిని రామన్నపేట పోలీసులు అరెస్టు చేశారు. పోలీసులు తెలిపిన వివరాల ప్రకారం, జనవరి 6వ తేదీ సాయంత్రం రామన్నపేట మండల కేంద్రంలో కావేటి సతీష్ అనే వ్యక్తి ఇంట్లో ప్రమాదకరమైన నిషేధిత చైనా మాంజా నిల్వ ఉందని పక్కా సమాచారం అందింది. సమాచారం మేరకు రామన్నపేట పోలీస్ సిబ్బంది అతని ఇంట్లో తనిఖీలు నిర్వహించగా, పది బండిళ్ల నిషేధిత చైనా మాంజా స్వాధీనం చేసుకున్నారు. నిషేధిత మాంజాను నిల్వ చేసి విక్రయిస్తున్న వ్యక్తిపై కేసు నమోదు చేసి దర్యాప్తు చేస్తున్నట్లు రామన్నపేట ఎస్సై డి. నాగరాజు తెలిపారు. ఈ సందర్భంగా ఆయన మాట్లాడుతూ, సంక్రాంతి పండుగ సందర్భంగా గాలిపటాలు ఎగరేసే సమయంలో ప్రభుత్వ నిషేధిత చైనా మాంజాను అమ్మినా, కొనుగోలు చేసినా సంబంధిత వ్యక్తులపై కేసులు నమోదు చేసి కఠిన చర్యలు తీసుకుంటామని హెచ్చరించారు. Follow us on Website Facebook Instagram YouTube