షార్ట్ సర్క్యూట్‌తో పామాయిల్ తోట దగ్ధం.. రైతుకు భారీ నష్టం
ఆంధ్రప్రదేశ్
/
ఏలూరు
గడ్డం జగన్మోహన్ రెడ్డి
ఆంధ్రప్రదేశ్ స్టేట్ బ్యూరో
షార్ట్ సర్క్యూట్‌తో పామాయిల్ తోట దగ్ధం.. రైతుకు భారీ నష్టం
ఏలూరు జిల్లా నూజివీడు నియోజకవర్గం చాట్రాయి మండలం చనుబండ పంచాయతీ సూరంపాలెం గ్రామ సమీపంలో కరెంట్ లైన్ షార్ట్ సర్క్యూట్ కారణంగా నిప్పులు చెలరేగి పామాయిల్ తోట కాలిపోయింది. ఈ ఘటనలో రైతు బజ్జూరీ రజినికి చెందిన సుమారు 2 ఎకరాల పామాయిల్ మొక్కలు పూర్తిగా దగ్ధమయ్యాయి. అలాగే ఒక బోర్ కూడా కాలిపోవడంతో రైతుకు భారీ నష్టం వాటిల్లింది.
ఘటనపై వెంటనే విద్యుత్ అధికారులకు సమాచారం అందించినప్పటికీ వారు కనీసం స్పందించలేదని తోట యజమానులు ఆవేదన వ్యక్తం చేస్తున్నారు. అధికారుల నిర్లక్ష్యంతో నష్టం మరింత పెరిగిందని బాధిత రైతులు వాపోతున్నారు.
తమకు జరిగిన నష్టాన్ని ప్రభుత్వం అంచనా వేసి తగిన పరిహారం అందించి న్యాయం చేయాలని బాధిత రైతులు కోరుతున్నారు.
